मेरिङदेनमा गठबन्धनका हांगाम विजयी - स्थानीय तह निर्वाचन २०७९ - कान्तिपुर समाचार

मेरिङदेनमा गठबन्धनका हांगाम विजयी 

आनन्द गौतम

ताप्लेजुङ — ताप्लेजुङको मेरिङदेन गाउँपालिकामा गठबन्धनबाट नेपाली कांग्रेसका युक हांवीर हांगाम अध्यक्षमा विजयी भएका छन् । नेकपा (एकीकृत समाजवादी)  का दुर्गाप्रसाद श्रेङचोङवाङ उपाध्यक्षमा निर्वाचित भएका छन् ।

कांग्रेसका हांगामले २ हजार ६ सय ६९ मत प्राप्त गरेका छन् । उनका प्रतिस्पर्धी एमालेका केदारजंग लिम्बूले २ हजार ७ सय ७० मत प्राप्त गरेका थिए । यहाँ काग्रेस र नेकपा (एस)बीच चुनावी तालमेल भएको थियो । हांगाम कांग्रेस जिल्ला कार्यसमितिका सचिव पनि हुन् । नेविसंघ जिल्ला अध्यक्ष हुँदै राजनीतिमा लागेका उनी जिल्ला सचिवसँगै गाउँपालिका अध्यक्षमा निर्वाचित भएका हुन् ।

उपाध्यक्षमा एकीकृत समाजवादीका चोङवाङले २ हजार ५ सय ९८ मत प्राप्त गरेका थिए । चोङवाङले प्रतिस्पर्धी स्वतन्त्र उम्मेदवार दावाछिरिङ शेर्पालाई पराजित गरेका हुन् । दावाछिरिङले १ हजार ६ सय ५७ मत प्राप्त गरेका थिए । उनी माओवादीबाट विद्रोह गरेर स्वतन्त्रवाट उम्मेदवार बनेका थिए ।

प्रकाशित : जेष्ठ २, २०७९ ०६:३१
प्रतिक्रिया
पठाउनुहोस्

आठराई त्रिवेणी गाउँपालिकामा चार घण्टादेखि मतगणना अवरुद्ध

आनन्द गौतम

ताप्लेजुङ — आठराई त्रिवेणी गाउँपालिकामा झण्डै चार घण्टादेखि मतगणना कार्य अवरुद्ध भएको छ । मतपत्रमा स्वस्तिक छापको मसी लत्पत्तिएको र छाप कोठाभन्दा बाहिर छोएको देखिएको विषयमा विवाद भएको हो । 

वडा नम्बर ३ हाङपाङको मतगणना सुरु भएर एक सय मत गणना गर्ने क्रममा विवाद भएको हो । विवाद समाधानका लागि बसेको सर्वदलीय बैठकले पनि निकास निकाल्न सकेका छैनन् । बैठक बिना निष्कर्ष सकिएको पर्यवेक्षकको रूपमा खटिएका खड्गविक्रम सुवेदीले बताए ।

पा“च वटा वडा रहेको यो गाउँपालिकाको वडा नम्बर ४ र ५ को मात्रै गणना सकिएको छ । वडा नम्बर ४ मा एमालेको प्यानल विजयी भएको छ भने ५ मा कांग्रेस माओवादीको गठबन्धन विजयी भएको छ । ५ मा माओवादीका वडा अध्यक्ष विजयी भएका छन् ।

दुई वडाको मत गणना गर्दा पालिका अध्यक्षमा एमालेका दिपेन पोमु ७ सय ४१ मतकासाथ अगाडि छन् भने गठबन्धनका विश्वनाथ सिटौला ३ मत कम ल्याएर पछ्याइरहेका छन् । उनले ७ सय ३८ मत प्राप्त गरेका छन् । उपाध्यक्षमा एमालेका शान्ताकुमारी आङवोहाङले ७ सय १५ मत प्राप्त गरेकी छन् भने गठबन्धन तर्फका माओवादीका प्रजिन हाङवाङले ६ सय ८८ मत प्राप्त गरेका छन् ।

प्रकाशित : जेष्ठ १, २०७९ १३:५४
पूरा पढ्नुहोस्
प्रतिक्रिया
पठाउनुहोस्
×