काठमाडौं-१ को वडाध्यक्षमा एमालेका श्रेष्ठ विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

काठमाडौं-१ को वडाध्यक्षमा एमालेका श्रेष्ठ विजयी

मधु शाही

काठमाडौँ — स्वतन्त्र उम्मेदवार वालेन्द्र साह (बालेन)ले मेयरमा अग्रता कायम गरेको काठमाडौं महानगरपालिका वडा नम्बर १ को वडाध्यक्षमा नेकपा एमालेका भरतलाल श्रेष्ठ विजयी भएका छन् ।

निवर्तमान वडाध्यक्ष श्रेष्ठले ६ सय २२ मत प्राप्त गरे । उनको निकटतम प्रतिद्वन्द्वी कांग्रेसका कृष्णलाल श्रेष्ठले ५ सय ९८ मत प्राप्त छन् । महिला सदस्यमा एमालेकी रशल तण्डुकारले ७ सय ८५ मत प्राप्त गरेकी छन् ।

यसैगरी दलित महिला सदस्यमा ७७५ मतका साथ मिना सुनार विजयी भएकी छन् । खुला सदस्यमा कांग्रेसका रोशन श्रेष्ठ ६ सय ८१ र शुभरत्न खड्गी ६६२ मतका साथ विजयी भएका छन् ।

शुक्रबार भएको चुनावमा वडा नम्बर १ मा २३ सय १८ मत खसेको थियो‚ जसमध्ये मेयरमा साहले ७ सय ८३ र कांग्रेसकी सिर्जना सिंहले ४ सय ५१ मत र एमालेका केशव स्थापितले ३६५ मत प्राप्त गरेको निर्वाचन आयोगले जनाएको छ ।

प्रकाशित : जेष्ठ १, २०७९ २१:२२
प्रतिक्रिया
पठाउनुहोस्

वेस्ट ह्यामसँग सिटीको बराबरी

कान्तिपुर संवाददाता

काठमाडौँ — वेस्ट ह्यामले इंग्लिस प्रिमियर लिगमा म्यानचेस्टर सिटीलाई आइतबार २–२ को बराबरीमा रोकेको छ । सिटीले दुई गोलले पछाडि रहेको स्थितिबाट बराबरी निकालेको हो ।

जितले सिटीको ३७ खेलबाट ९० अंक भएको छ । यो दोस्रो स्थानमा रहेको लिभरपुलमाथि चार अंकको अग्रता हो । वेस्ट ह्यामले जेरड बोवेनको दुई गोलमा पहिलो हाफमा दुई गोलको अग्रता लिएको थियो ।

दोस्रो हाफमा सिटीका लागि ज्याक ग्रेलिसले पहिलो गोल गरे भने अर्को गोल आत्मघाती रह्यो । आइतबारका अन्य खेलमा लेस्टरले वाटफोर्डलाई ५–१ र टोटनहमले बर्नलीलाई १–० ले हरायो । लिभरपुलले सिटीभन्दा १ खेल कम खेलेको छ ।

यस्तै एस्टन भिल्ला र क्रिस्टल प्यालेस, लिड्स र ब्राइट तथा उल्भ्स र नर्विचले समान १–१ को बराबरी खेले ।

प्रकाशित : जेष्ठ १, २०७९ २१:२२
पूरा पढ्नुहोस्
प्रतिक्रिया
पठाउनुहोस्
×