बुटवल उपमहानगरमा गठबन्धनको अग्रता
बुटवल — बुटवल उपमहानगरपालिकामा सत्ता गठबन्धनले फराकिलो अग्रता लिएको छ। बुटवलमा उपमहानगरपालिकाको आइतबार ७ बजेसम्म ४ हजार ८ सय मत गणना भएकोमा सत्तारुढ गठबन्धनबाट मेयरका उम्मेदवार खेलराज पाण्डेले दोब्बर मतले अग्रता लिएका हुन् ।
कांग्रेसका पाण्डेयले २ हजार २ सय १४ मत प्राप्त गर्दा एमालेका बाबुराम भट्टराईले १ हजार ३ सय १२ मत ल्याएका छन् ।
उपमेयरमा एमालेकी सावित्रादेवी अर्यालले १ हजार ४ सय ८२ मत ल्याएकी छन् । उपमेयरमा गठबन्धनबाट एकीकृत समाजवादीका चीनबहादुर गुरूङले १ हजार २ सय ८१ मत पाएका छन् ।
बुटवलमा उपमहानगरपालिका वडा नम्बर १ को मतगणना सकिएको छ । वडा नम्बर २ र ३ को मतगणना भइरहेको निर्वाचन अधिकृत लेखनाथ पौडेलले जानकारी दिए ।
प्रकाशित : जेष्ठ १, २०७९ ०७:३३प्रतिक्रिया