राप्रपाको गढमा कांग्रेसका वडाध्यक्षसहित प्यानलै विजयी
झापा — राष्ट्रिय प्रजातन्त्र पार्टीका अध्यक्ष राजेन्द्र लिङ्देनको निर्वाचन क्षेत्र कचनकवल १ मा नेपाली कांग्रेसका वडाध्यक्षसहित प्यानल नै विजयी बनेको छ । यो गाउँपालिका राप्रपाको गढ मानिन्छ ।
महावीर लिम्बू वडाध्यक्षमा निर्वाचित भए । उनले १ हजार ४ सय ४२ मत प्राप्त गरे । निकटतम प्रतिस्पर्धी राष्ट्रिय प्रजातन्त्र पार्टीका उम्मेदवार लक्ष्मी नारायण यादवले १ हजार १ सय १० मत प्राप्त गरे । वडा सदस्यमा अन्तप्रसाद राजवंशी र उग्रनारायणा सिंह राजवंशी निर्वाचित भए । महिला सदस्यमा सञ्जावती राजवंशी र दलित महिला सदस्यमा सुनिता दर्जी निर्वाचित भए ।
यो गाउँपालिकामा नेपाली कांग्रेस र नेकपा एमालेको तालमेल थियो ।
प्रतिक्रिया