भरतपुरमा दाहालको अग्रता कायमै- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

भरतपुरमा दाहालको अग्रता कायमै

कान्तिपुर संवाददाता

काठमाडौँ — चितवनको भरतपुर महानगरपालिकामा नेकपा माओवादी केन्द्रको तर्फबाट मेयरकी उम्मेदवार रेनु दाहालले अग्रता बनाएकी छन् । पछिल्लो मत परिणामअनुसार दाहालले ५६९ मतका साथ अग्रता बनाएकी हुन् ।

त्यस्तै नेकपा एमालेका तर्फबाट मेयरका प्रत्याशी विजय सुवेदीले ५१९ मत प्राप्त गरी दाहाललाई पछ्याइरहेका छन् भने स्वतन्त्र उम्मेदवार जगन्नाथ पौडेलले १८८ मत प्राप्त गरेका छन् ।

यसैगरी उपप्रमुखमा नेपाली कांग्रेसको तर्फबाट चित्रसेन अधिकारीले ४७८ मत प्राप्त गरेर अग्रता बनाएका छन् भने राष्ट्रिय प्रजातन्त्र पार्टी (राप्रपा) को तर्फबाट उपप्रमुखकी प्रत्याशी हिमला गुरुङले ३६७ मत प्राप्त गरेकी छन् ।

प्रकाशित : जेष्ठ १, २०७९ ००:५७
प्रतिक्रिया
पठाउनुहोस्

काठमाडौंमा वालेन्द्रको अग्रता‚ स्थापितभन्दा १८० मतले अगाडि

कान्तिपुर संवाददाता

काठमाडौँ — काठमाडौं महानगरपालिकाको मेयरमा स्वतन्त्र उम्मेदवार वालेन्द्र साहले अग्रता कायम राखेका छन् । पछिल्लो मत परिणामअनुसार साहले ९८० मत प्राप्त गरेका छन् ।

त्यस्तै नेकपा एमालेका तर्फबाट मेयरका प्रत्याशी केशव स्थापितले ८०० मत प्राप्त गरी साहलाई पछ्याइरहेका छन् भने गठबन्धनको तर्फबाट मेयरकी उम्मेदवार सिर्जना सिंहले ५९४ मत प्राप्त गरेकी छन् ।

यसैगरी एमालेबाट उपप्रमुखकी प्रत्याशी सुनिता डंगोलले ६०२ मतका साथ अग्रता बनाएकी छन् भने गठबन्धनको तर्फबाट उपप्रमुखका उम्मेदवार रामेश्वर श्रेष्ठले १२६ मत प्राप्त गरेका छन् ।

प्रकाशित : जेष्ठ १, २०७९ ००:४९
पूरा पढ्नुहोस्
प्रतिक्रिया
पठाउनुहोस्
×