फिदिम-१४ को वडाध्यक्षमा माओवादी केन्द्रका नेम्वाङ विजयी
पाँचथर — फिदिम नगरपालिका १४ को वडाध्यक्षमा माओवादी केन्द्रका उम्मेदवार राजकुमार नेम्वाङ विजयी भएका छन् । एमालेका भिम फागोलाई हराउँदै उनी विजयी भएका हुन् ।
नेम्वाङले ७११ मत प्राप्त गर्दा फागोले ५ सय ३८ मत पाएका थिए । यसै वडाको सदस्य पदमा कांग्रेसका ३ र एमालेका १ सदस्य विजयी भएका छन् ।
यसैगरी जिल्लाको हिलिहाङ गाँउपालिका वडाध्यक्ष पदमा कांग्रेसका सन्तोष लिङदेन,फालेलुङ ६ को वडाध्यक्षमा कांग्रेसकै अमरविर राई र तुम्वेवा १ को वडाध्यक्षमा माओवादी केन्द्रका धनबहादुर कार्की विजयी भएका छन् ।
प्रकाशित : वैशाख ३१, २०७९ २१:०३