काठमाडौंमा बालेनको अग्रता कायमै, स्थापितभन्दा ३१ मतले अगाडि- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

काठमाडौंमा बालेनको अग्रता कायमै, स्थापितभन्दा ३१ मतले अगाडि

कान्तिपुर संवाददाता

काठमाडौँ — काठमाडौं महानगरपालिकाको मेयरमा स्वतन्त्र उम्मेदवार बालेन्द्र साहले अग्रता कायमै राखेका छन् । पछिल्ला परिणामअनुसार साहले ५५७ मत पाएका छन् भने नेकपा एमालेका उम्मेदवार केशव स्थापितले ५२६ मत पाएका छन् ।

साह स्थापितभन्दा ३१ मतले अगाडि छन् । त्यस्तै, पाँच दलीय सत्ता गठबन्धनबाट कांग्रेसकी उम्मेदवार सिर्जना सिंहले भने ३१७ मत पाएकी छन् ।

त्यस्तै, स्वतन्त्र उम्मेदवार सुमन सायमीले ७२, राप्रपाका मदनदास श्रेष्ठले ६८ र विवेकशील साझाकी समीक्षा बाँस्कोटाले १३ मत पाएकी छन् ।

त्यस्तै, उपमेयरमा नेकपा एमालेकी सुनिता डंगोलले अग्रता कायम राखेकी छिन् । उनले ६०२ मत पाएकी छिन् ।

सत्ता गठबन्धनबाट उम्मेदवार नेकपा एकीकृत समाजवादीका रामेश्वर श्रेष्ठले १२६ मतमात्रै पाएका छन् । राप्रपाकी विनिता मगैयाले १२६, विवेकशील साझा पार्टीकी कृति कंसाकरले ३५ मत पाएका छन् ।

प्रकाशित : वैशाख ३१, २०७९ २०:४९
प्रतिक्रिया
पठाउनुहोस्

मध्यपुर थिमि १ मा कांग्रेसका वडाध्यक्ष विजयी

कान्तिपुर संवाददाता

काठमाडौँ — मध्यपुर थिमिमा नेपाली कांग्रेसले खाता खोलेको छ । शनिबार भएको मतगणना अन्तर्गत मध्यपुर थिमि नगरपालिका-१ मा कांग्रेसका तर्फबाट अध्यक्ष पदमा उम्मेदवार बाबुकाजी डंगोल विजयी भएका हुन् ।

उनले १ हजार ७ सय ७ मत पाएका छन् । उनका निकटतम प्रतिद्वन्द्वी नेकपा एमालेका उम्मेदवार कृष्णगोपाल प्याथले १ हजार २९० मत पाएका छन् ।

प्रकाशित : वैशाख ३१, २०७९ २०:३०
पूरा पढ्नुहोस्
प्रतिक्रिया
पठाउनुहोस्
×