रामपुर नगरपालिकाको मेयरमा कांग्रेसका रमण थापा अगाडि- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

रामपुर नगरपालिकाको मेयरमा कांग्रेसका रमण थापा अगाडि

कान्तिपुर संवाददाता

पाल्पा — पाल्पाको रामपुर नगरपालिकामा नेपाली कांग्रेसका उम्मेदवार रमणबहादुर थापाले अग्रता बनाएका छन् । अहिलेसम्मको मतपरिणामअनुसार उनी १,३६१ मतका साथ अग्रस्थानमा छन् ।

थापालाई पछ्याइरहेका नेपाल कम्युनिस्ट पार्टी (एमाले)का शिव अर्यालले १,३३२ मत ल्याएका छन् ।

त्यस्तै उपमेयरमा भने नेकपा एमालेकी दुर्गादेवी राना १,३३७ मतसहित अगाडि रहेकी छिन् । उनलाई नेपाली कांग्रेसकी बालकुमारी थापाले १३३२ मतसहित पछ्याइरहेकी छिन् । रामपुरमा गठबन्धनबाट मेयर र उपमेयरमै कांग्रेसको भागमा परेको थियो । त्यस्तै रामपुर १ मा पनि नेपाली कांग्रेसका कपिल खाँण विजयी भएका छन् ।

रामपुरमा यसअघि पनि नेपाली कांग्रेसका थापा नै विजयी भएका थिए । उनले नेकपा एमालेका उम्मेदवार राजु श्रेष्ठलाई हराएका थिए ।

प्रकाशित : वैशाख ३१, २०७९ २०:२७
प्रतिक्रिया
पठाउनुहोस्

पोखरा महानगरको प्रारम्भिक परिणाम : धनराज आचार्य १ मतले अगाडि

कान्तिपुर संवाददाता

पोखरा — पोखरा महानगरपालिकाको प्रारम्भिक परिणाम शनिबार साँझ सार्वजनिक भएको छ ।

पहिलो पटक सार्वजनिक परिणामअनुसार नेकपा एकीकृत समाजवादीका धनराज आचार्यको १ मतको आग्रता रहेको छ ।

आचार्यले २३ मत ल्याएका छन् भने एमालेका कृष्णबहादुर थापाले २२ मत प्राप्त गरेका छन् । आचार्य सत्तारुढ गठबन्धनका उम्मेदवार हुन् ।

त्यसैगरी उप प्रमुखमा नेपाली कांग्रेसकी कोपिला रानाभाटले २२ मत ल्याएकी छिन् । एमालेकी मञ्जु गुरुङले २० मत ल्याएकी छिन् । २०७४ सालमा भएको स्थानीय तह चुनावमा एमाले बहुमतका साथ विजयी भएको थियो ।

प्रकाशित : वैशाख ३१, २०७९ २०:१८
पूरा पढ्नुहोस्
प्रतिक्रिया
पठाउनुहोस्
×