रामपुर नगरपालिकाको मेयरमा कांग्रेसका रमण थापा अगाडि- स्थानीय तह निर्वाचन २०७९ - कान्तिपुर समाचार

रामपुर नगरपालिकाको मेयरमा कांग्रेसका रमण थापा अगाडि

कान्तिपुर संवाददाता

पाल्पा — पाल्पाको रामपुर नगरपालिकामा नेपाली कांग्रेसका उम्मेदवार रमणबहादुर थापाले अग्रता बनाएका छन् । अहिलेसम्मको मतपरिणामअनुसार उनी १,३६१ मतका साथ अग्रस्थानमा छन् ।

थापालाई पछ्याइरहेका नेपाल कम्युनिस्ट पार्टी (एमाले)का शिव अर्यालले १,३३२ मत ल्याएका छन् ।

त्यस्तै उपमेयरमा भने नेकपा एमालेकी दुर्गादेवी राना १,३३७ मतसहित अगाडि रहेकी छिन् । उनलाई नेपाली कांग्रेसकी बालकुमारी थापाले १३३२ मतसहित पछ्याइरहेकी छिन् । रामपुरमा गठबन्धनबाट मेयर र उपमेयरमै कांग्रेसको भागमा परेको थियो । त्यस्तै रामपुर १ मा पनि नेपाली कांग्रेसका कपिल खाँण विजयी भएका छन् ।

रामपुरमा यसअघि पनि नेपाली कांग्रेसका थापा नै विजयी भएका थिए । उनले नेकपा एमालेका उम्मेदवार राजु श्रेष्ठलाई हराएका थिए ।

प्रकाशित : वैशाख ३१, २०७९ २०:२७
प्रतिक्रिया
पठाउनुहोस्

तेह्रथुमको मेन्छ्यायेम गाउँपालिका २ र ३ मा कांग्रेसको प्यानल विजयी

चन्द्र कार्की

तेह्रथुम — तेह्रथुमको मेन्छ्यायेम गाउँपालिका २ र ३ को वडाध्यक्षमा नेपाली कांग्रेसका उम्मेदवारको प्यानल नै विजयी भएको छ । 

२ नम्बर वडामा रामबहादुर लिम्बु ३ सय ३२ मत ल्याएर विजयी भएका छन् । उनका प्रतिस्पर्धी नेकपा एमालेका अम्बिका लिम्बुले २ सय २१ मत प्राप्त गरेका छन् ।

त्यस्तै ३ नम्बर वडामा नेपाली कांग्रेसका विनयकुमार लिम्बु ३ सय ३६ मत ल्याएर विजयी भएका छन् । उनका प्रतिस्पर्धी एमालेका मनबहादुर लिम्बुले २ सय १७ मत प्राप्त गरेका छन् । बाँकी सदस्य पदमा पनि नेपाली कांग्रेसका उम्मेदवार विजयी भएका छन् ।

प्रकाशित : वैशाख ३१, २०७९ २०:२६
पूरा पढ्नुहोस्
प्रतिक्रिया
पठाउनुहोस्
×