मतपेटिका नआउँदा दाेलखाको गौरीशंकर गाउँपालिकाको मतगणनामा ढिलाई- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

मतपेटिका नआउँदा दाेलखाको गौरीशंकर गाउँपालिकाको मतगणनामा ढिलाई

केदार शिवाकोटी

काठमाडौँ — दोलखाको गौरीशंकर गाउँपालिका–१ बेदिङबाट अझैसम्म मतपेटिका आईनपुग्दा मतगणनामा ढिलाई भएको छ ।

अति दुर्गम बेदिङबाट मतपेटिका मतगणनास्थल ल्याउन दुई दिन लाग्छ । शुक्रबार ५ बजे मतदान सम्पन्न भएपछि मतपेटिका लिएर टाेली हिँडेकाे थियाे । मतपेटिका शनिबार साँझसम्म आइपुग्ने निर्वाचन अधिकृत होमप्रसाद घिमिरेले बताए । मतपेटिका आइसकेपछि मतगणना गरिने उनले बताए । मतगणनाका लागि सर्वदलीय बैठक भने बसिसकेको छ । रोल्वालिङ उपत्यकामा पर्ने पर्यटकीय गाउँ बेदिङमा ९५ जना मतदाता छन् ।

प्रकाशित : वैशाख ३१, २०७९ १६:२२
प्रतिक्रिया
पठाउनुहोस्

शैलङ गाउँपालिकामा गठबन्धन र एमाले कार्यकर्ताबीच मतगणनास्थलमै झडप

केदार शिवाकोटी

दोलखा — दोलखाको शैलुङ गाउँपालिकामा गठबन्धन र एमालेका प्रतिनिधिबीच विवाद बढेपछि मतगणना रोकिएको छ ।

विवाद बढ्दै गएपछि गठबन्धनका कार्यकर्ता र एमालेका कार्यकर्ताबीच मतगणना स्थलमै झडप भएको हो ।

झडपमा परी एकजनाको टाउकोमा गम्भीर चोट लागेको छ । उनको बाघखोरस्थित अस्पतालमा उपचार भइरहेको प्रहरीले जनाएको छ ।गठबन्धनका कार्यकर्ताले धारिलो हतियार प्रहार गरेको एमालेले आरोप लगाएको छ ।

स्थिती नियन्त्रणमा लिन थप प्रहरी परिचालन गरिएको प्रहरी नायब उपरीक्षक गंगाप्रसाद पौडेलले बताए । मतपत्र भएका बाकसको सिल फुटेका लगायतका विषयमा प्रतिनिधिहरुबीच विवाद बढेपछि मतगणना स्थगित भएको छ ।

प्रकाशित : वैशाख ३१, २०७९ १५:२९
पूरा पढ्नुहोस्
प्रतिक्रिया
पठाउनुहोस्
×