मकवानपुरको गढीमा विवादपछि मतगणना स्थगित- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

मकवानपुरको गढीमा विवादपछि मतगणना स्थगित

सुवास विडारी

मकवानपुर — मकवानपुर गढी गाउँपालिकामा मतगणनाको क्रममा विवाद भएपछि तत्कालका लागि मतगणना स्थगित गरिएको छ । 

सर्वदलीय बैठकको क्रममा मतगणना सुरु हुनुअघि गाउँपालिकाका कर्मचारी जिन्सी शाखा प्रमुख युवराज पौडेललाई मतगणनामा सहभागी नगराइने सहमति भए पनि उनलाई पछि जाँच नगरी भित्र पठाएको भन्दै विरोध भएपछि विवाद भएको हो ।

तत्कालका लागि मतगणना रोकिएको छ । गणना स्थगित हुनुअघिसम्म गाउँपालिका–१ र ८ वडाको मतगणनामा सत्ता गठबन्धन अगाडि देखिएको थियो । एमालेका उम्मेदवार दोस्रोमा थिए ।

वडा नम्बर १ को एक सय र वडा नम्बर ८ को २ सय मत गणना हुँदा गाउँपालिका अध्यक्षको गठबन्धनबाट नेपाली कांग्रेसका दोर्जे लामा स्याङतानले १ सय ७४ मत प्राप्त गरेका छन् ।

एमालेका विदुर हुमागाइँले ९० मत प्राप्त गरेका छन् । गाउँपालिका उपाध्यक्षमा गठबन्धनबाट माओवादी केन्द्रकी मानकुमारी पाख्रिन नेपालीले १ सय ५१ मत प्राप्त गरेकी छन्। उनलाई पछ्याउँदै एमालेकी सन्तु थिङले ८९ मत प्राप्त गरेकी छन् । दुवै वडाहरुमा पनि कांग्रेसका उम्मेदवार अगाडि रहेका छन् ।

प्रकाशित : वैशाख ३१, २०७९ १३:४५
प्रतिक्रिया
पठाउनुहोस्

पाँचथरका तीन गाउँपालिकामा कांग्रेस र एउटामा एमाले उम्मेदवारको अग्रता

लक्ष्मी गौतम

पाँचथर — पाँचथरमा मत गणना भइरहेका ४ मध्ये ३ वटा स्थानीय तहमा नेपाली कांग्रेसका उम्मेदवारले अग्रता लिएका छन् ।

जिल्लाको हिलिहाङ, तुम्वेवा र कुम्मायक गाउँपालिकामा कांग्रेस र फालेलुङमा एमाले उम्मेदवारले अग्रता लिएका हुन् ।फाल्गुनन्द, मिक्लाजुङ र याङवरक गाउँपालिकामा भने शनिबार मध्यान्हदेखि मात्रै मतगणना सुरु भएको छ ।

हालसम्म गणना भएको मत परिणाम अनुसार हिलिहाङ गाउँपालिकामा कांग्रेसका समरबहादुर अधिकारीले ६ सय १० मत प्राप्त गर्दा नेकपा एमालेका भुवानीप्रसाद लिङदेनले ४ सय १८ मत पाएका छन् । सोही पालिकाको उपप्रमुखमा नेपाल कम्युनिष्ट पार्टी एकीकृत समाजवादीका भवानी लिङ्देन ४ सय १८ मतसहित अग्र स्थानमा छन् भने एमालेकी सुमित्रा उप्रती सेढाइलाई ४ सय २२ मत प्राप्त भएको छ ।

त्यसैगरी कुम्मायक गाउँपालिकाको अध्यक्षमा कांग्रेसका बमप्रसाद लावती र उपाध्यक्षमा माओवादी केन्द्रका महेन्द्रबहादुर खड्का अग्रस्थानमा छन् । लावतीले ३ सय १३ मत प्राप्त गर्दा एमालेका भीमप्रसाद सम्वाहाम्फेले २ सय २३ मत प्राप्त गरेका छन् । तुम्वेवा गाउँपालिका अध्यक्षमा कांग्रेसका बाबुराम खड्का ४ सय ३ मतसहित अग्रस्थानमा छन् भने एमालेका गोविन्दबहादुर तामाङ २ सय २१ मतसहित दोस्रो स्थानमा छन् । फालेलुङ गाउँपालिकामा भने एमाले उम्मेदवार अगाडि छन् । यहाँ पालिका अध्यक्षमा एमालेका जयप्रकाश केरुङले १ सय १७ मत प्राप्त गर्दा कांग्रेसका वीरविक्रम थाम्सुहाङले ९४ मतप्राप्त गरेका छन् ।


प्रकाशित : वैशाख ३१, २०७९ १३:४५
पूरा पढ्नुहोस्
प्रतिक्रिया
पठाउनुहोस्
×