अर्जुनचौपारी गाउँपालिकामा मतगणना रोकियो- स्थानीय तह निर्वाचन २०७९ - कान्तिपुर समाचार

अर्जुनचौपारी गाउँपालिकामा मतगणना रोकियो

कान्तिपुर संवाददाता

स्याङजा — स्याङ्जाको अर्जुनचौपारी गाउँपालिकामा एमालेका कार्यकर्ताले तोडफोड गरेको गाडीको क्षतिपुर्ति माग गर्दै कांग्रेसले असन्तुष्टि जनाएपछि मतगणना रोकिएको छ ।

कांग्रेसका नेताहरूले एमालेबाट क्षतिपुर्ति आएपछि मात्रै मतगणना पुन: सुरु गर्न तयार रहेको बताएका छन् । साथै निर्वाचन अधिकृतका अनुसार सर्वदलीय बैठक बसेपछि मात्रै मतगणना गरिने भएको छ ।

कांग्रेसका नेताहरूले भने एमालेबाट क्षतिपुर्ति नआएसम्म मतगणना गर्न नदिने अडान राखेका छन् । अर्जुनचौपारी गाउँपालिकामा कूल जनसंख्या १४,०९४ रहेको छ भने कुल मतदाता संख्या १३,८६७ रहेको छ । जसमा ६,९४९ पुरुष र ६,९१८ महिला रहेका छन् । यस गाउँपालिकामा ६ वडा छन् ।

प्रकाशित : वैशाख ३१, २०७९ ११:३४
प्रतिक्रिया
पठाउनुहोस्

मालारानीमा गठबन्धनले एमालेलाई उछिन्यो

कान्तिपुर संवाददाता

अर्घाखाँची — मालारानी गाउँपालिकाको पछिल्लो मतपरिणाम अनुसार एमालेका उम्मेदवारलाई उछिन्दै गठबन्धनले अग्रता लिएको छ ।

वडा नम्बर ९ को ५ सय ५४ मत गणना हुँदा गठबन्धनको तर्फबाट माओवादी केन्द्रका पालिका अध्यक्षका उम्मेदवार पदम क्षेत्रीले ३ सय ९१ मत ल्याएका छन् भने एमालेका उम्मेदवार दलबहादुर भट्टराईले १ सय ८२ मत ल्याएका छन् । उपाध्यक्षमा गठबन्धनबाट कांग्रेसका उम्मेदवार शोभाखर खनालले २ सय ९१ र एमालेकी दीपा पोखरेलले २ सय २ मत ल्याएकी छन् ।

प्रकाशित : वैशाख ३१, २०७९ ११:३३
पूरा पढ्नुहोस्
प्रतिक्रिया
पठाउनुहोस्
×