ताप्लेजुङको मेरिङदेन ६ मा एमालेको जित- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

ताप्लेजुङको मेरिङदेन ६ मा एमालेको जित

आनन्द गौतम

ताप्लेजुङ — नेकपा (एमाले)ले मेरिङदेन गाउँपालिका वडा नम्बर ६ मा एमालेले अध्यक्ष जितेको छ । मेरिङदेन गाउँपालिका ६ नाल्बुमा सम्पन्न मतगणनामा वडाध्यक्ष र सदस्यहरू एमालेको प्यानलै विजयी भएका छन् । 

मेरिङदेनका निर्वाचन अधिकृत शम्भु रेग्मीका अनुसार एमालेका मनोजकुमार तुम्वाहाम्फे ४ सय ५६ मत सहित विजयी भएका हुन् । उनका प्रतिष्पर्धी रुख चिह्न लिएर उठेका नेकपा (एस)का ठाकुरसिंह लिम्बुले ३ सय २४ मत प्राप्त गरे । वडाध्यक्षमा १ सय ३२ मतको अन्तर भएको छ ।

महिला वडासदस्य याङदे शेर्पा, दलित महिला सदस्य दिलकुमारी विक, खुला सदस्य नरध्वज लिम्वू र भिमकुमार शेर्पा विजयी भएका छन ।

यो वडामा काग्रेस, नेकपा (एस) र माओवादीले गठबन्धन गरेका थिए । मतदाताले मत बिगार्लान भनेर सबै उम्मेद्धार रुख चुनाव चिन्ह लिएर चुनावमा सहभागी भएका थिए । गाउँपालिका अध्यक्षमा भने यहाँ ६६ मतको मात्रै अन्तर भएको छ । एमालेका केदारजंग लिम्बुले ४ सय २६ र कांग्रेसका युकहांगवीर हाङगामले ३ सय ६० मत ल्याएका छन । उपाध्यक्षका उम्मेद्धार नेकपा (एस) का दुर्गाप्रसाद श्रेङचोवाङले ३ सय १७ र माओवादीबाट विद्रोही उठेर एमालेसँग तालमेल गरेका दावाछिरिङ शेर्पाले २ सय ९६ मत ल्याएका छन ।

प्रकाशित : वैशाख ३१, २०७९ १०:१५
प्रतिक्रिया
पठाउनुहोस्

याङ्यामा १४ मत खस्यो

ताप्लेजुङका हिमाली जिल्लामा कम मत
आनन्द गौतम

ताप्लेजुङ — ६० मतदाता रहेको ताप्लेजुङको हिमाली बस्ती याङमामा १४ मत मात्रै खसेको छ । १० पुरुष र ४ महिलाले मतदान गरेको जिल्ला निर्वाचन अधिकारी दिनेश खनालले बताए । यहाँ १६ मत झर्ने अपेक्षा गरिएको थियो । घुन्साका दुई मतदाता नगएपछि मत कम भएको हो । २०७४ को निर्वाचनमा यहाँ २४ मत खसेको थियो ।

यो ठाउँ फक्ताङलुङ गाउँपालिका–७ मा पर्छ । यो वडामा गोला र याङ्मा गरी दुई मात्रै बस्ती छन् । तर एउटादेखि अर्को बस्ती पुग्न पूरै एक दिन हिँड्नुपर्छ । याङ्मा ४ हजार २ सय मिटर उचाइमा पर्छ । याङ्माको मतदान गराउन सुरक्षाकर्मीसहित नौ जनाको टोली गएको थियो । उनीहरूले थप तीन स्वयंसेवक राखेर मतदान गराएका थिए । सदरमुकाम फुङलिङबाट गाडी र पैदल गरी तीन दिनमा बस्ती पुगिन्छ ।

यस्तै, ओलाङचुङगोलामा ४३ महिलासहित ८५ मत खसेको निर्वाचन अधिकारी खनालले बताए । यहाँ २ सय ७६ मतदाता भए पनि गोठमा बस्नेहरू नआएकाले कम भोट खसेको हो । घुन्सामा ८१ जनाले मतदान गरे । केही समयदेखि अस्वस्थ ३६ वर्षीय जोन्डेला शेर्पाको मृत्यु भएपछि गाउँलेहरू बिहानभर मृत्यु संस्कारमा सहभागी भएका थिए । अन्त्येष्टिलाई केही समय थाती राखेर गाउँलेले मतदान गरेका थिए । यहाँ ४४ पुरुष र ३७ महिलाले मतदान गरेको निर्वाचन कार्यालयले जनाएको छ । यहाँ १ सय ६६ मतदाता थिए ।

प्रकाशित : वैशाख ३१, २०७९ ०३:४२
पूरा पढ्नुहोस्
प्रतिक्रिया
पठाउनुहोस्
×