गैंडाकोट नगरपालिकामा कांग्रेसको अग्रता- स्थानीय तह निर्वाचन २०७९ - कान्तिपुर समाचार

गैंडाकोट नगरपालिकामा कांग्रेसको अग्रता

नारायण शर्मा

पूर्वी नवलपरासी — गैंडाकोट नगरपालिकाको मेयर र उपमेयरमा कांग्रेसले अग्रता लिएको छ । कांग्रेसबाट मेयरका उम्मेदवार मदनभक्त अधिकारीले ३ सय ४० मत ल्याएका छन् ।

एमालेका छत्रराज पौडेलले १ सय २७ मत प्राप्त गर्दै दोस्रो स्थानमा छन् । पौडेल यसअघि पनि यहाँका मेयर हुन् । कुल मतदाता ४७ हजार ७ सय १५ रहेको गैंडाकोटमा ३३ हजार ८ सय ८६ मत खसेको छ ।

प्रकाशित : वैशाख ३१, २०७९ ०९:३९
प्रतिक्रिया
पठाउनुहोस्

कागेश्वरी मनोहरामा कांग्रेसको प्रारम्भिक अग्रता

आश गुरुङ

काठमाडौं — काठमाडौंको कागेश्वरी मनोहरा नगरपालिकाको प्रारम्भिक मतगणनाअनुसार नगर प्रमुखमा नेपाली कांग्रेसले अग्रता लिएको छ । स्थानीय तहको शुक्रबार भएको निर्वाचनको मतगणना आज बिहान २ बजेदेखि सुरु भएको हो । वडा नम्बर १ को तीन सय मत गणना गर्दा कांग्रेसका नगर प्रमुख उपेन्द्र कार्कीसहित वडाध्यक्ष र सदस्यमा पनि प्रारम्भिक नेतृत्व लिएको निर्वाचन अधिकृत शारदा राउतले जानकारी दिए । 

उपप्रमुखमा नेकपा (एमाले)का शान्ता थापाले अग्रता लिएकी छन् । नगरपालिकामा कांग्रेस नेकपा (माओवादी केन्द्र)को गठबन्धन चुनाव लडेको थियो । एमाले र नेकपा (एकीकृत समाजवादी) भने छुट्टाछुट्टै निर्वाचन लडेका थिए ।

नौ वटा वडा रहेको नगरपालिकामा ३५ हजार ४९३ मतदाता छन् । जसमध्ये २६ हजार ९२८ मत खसेको थियो । यो कूल मतदाता सङ्ख्याको ७६ प्रतिशत भएको नगर निर्वाचन अधिकृतको कार्यालयले जनाएको छ ।

२०७४ को स्थानीय तह निर्वाचनमा नगरपालिकामा नेकपा एमाले विजयी भएको थियो । एमालेबाट विजयी कृष्णहरि थापा समाजवादीमा लागेका थिए । उनी यो निर्वाचनमा पनि समाजवादीबाट मेयरको प्रतिस्पर्धामा छन्।


प्रकाशित : वैशाख ३१, २०७९ ०९:३६
पूरा पढ्नुहोस्
प्रतिक्रिया
पठाउनुहोस्
x
×