कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

‘गरिबका पक्षमा लड्छु’

सुर्खेत — भेरीगंगा नगरपालिका १० मदाइनचौरकी ३४ वर्षीया चन्द्रकला बादीले उपमेयर पदमा उम्मेदवारी दिएकी छन् । सामान्य आर्थिक अवस्थाकी उनी बिहानदेखि साँझसम्म घरघरै पुगेर भोट मागिरहेकी छन् । ‘वर्षौंसम्म हामी बादी हेपियौं, चेपियौं । यसपटक एउटा भोटलाई नाइँ नभन्दिनुहोला भन्छु,’ उनले मतदाता फकाउने शैली सुनाउँदै भनिन्, ‘चिनेजानेका सबैले सहयोग गर्छु भनेका छन् । अरूले विचार गरम्ला भन्छन् ।’

‘गरिबका पक्षमा लड्छु’



राप्रपाले चन्द्रकलालाई उम्मेदवार बनाएको हो । ‘बादीकी छोरीले पहिलोपल्ट यति ठूलो पदमा टिकट पाएकी छु,’ चन्द्रकलाले भनिन्, ‘यो नै म र मेरो समुदायका लागि खुसीको कुरा हो । अब उपमेयर जित्नु छ ।’ मुख्य प्रतिस्पर्धी कांग्रेस, एमाले र माओबादी केन्द्रले दलित महिलालाई मेयर/उपमेयर नउठाएकाले गरिबदु:खी र दलितको प्रतिनिधित्व गर्न आफूले जित्नुपर्ने उनले बताउने गरेकी छन् ।

मतदातालाई उति ठूला सपना देखाएकी छैनन् चन्द्रकलाले । नगरपालिकालाई जातीय भेदभाव मुक्त बनाउने, विपन्न समुदायको हितमा काम गर्ने, विपन्न समुदायलाई नि:शुल्क शिक्षा दिलाउन लागि पर्ने योजना सुनाउँछिन् । ‘स्कुलले केके नाममा पैसा उठाउँछ थाहा छैन, गरिबका छोराछोरी ५/६ कक्षा पढेर छाड्नुपर्छ,’ उनले भनिन्, ‘मैले जितें भने गरिबका पक्षमा लड्छु ।’

प्रकाशित : वैशाख २५, २०७४ ११:०८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?