रमेश क्षितिजको 'पर्वत पर्वतमा बटुवा घाम' कवितासंग्रह सार्वजनिक

५ खण्डमा विभाजित संग्रह का कविताबारे कवि अविनाश श्रेष्ठ भन्छन्, 'पूर्वीय दर्शनलाई सरल तरिकाले भन्दै काव्यिक संवेदनाको शील्पलाई सरल ढंगले यस संग्रह का कविताले भनेका छन् । उनका कविता मन्त्र जस्तै छैनन्, जीवनमन्त्र नै हुन् ।'

२०५६ सालमा 'अर्को साँझ पर्खेर साँझमा' र २०६६ मा 'घर फर्किरहेको मानिस' कवितासंग्रहबाट नेपाली कविता जगतलाई धनी बनाएका कवि क्षितिजको 'आफैं आफ्नो साथी भएँ' गीतसंग्रह का साथै दर्जनौं गीतहरू लोकप्रिय छन् । ५३ कविताको हार्ड कभर संस्करणको मूल्य ४५५ रुपैयाँ रहेको छ ।