संगीतकार सुब्बाको ‘मेरो भाग्यमानी बाजा’ सार्वजनिक- साहित्य/विविध - कान्तिपुर समाचार

संगीतकार सुब्बाको ‘मेरो भाग्यमानी बाजा’ सार्वजनिक

कान्तिपुर संवाददाता

काठमाडौँ — वरिष्ठ संगीतकार तथा गायक दिनेश सुब्बाको ‘मेरो भाग्यमानी बाजा’ पुस्तक सार्वजनिक भएको छ । काठमाडौंमा शनिबार आयोजित समारोहमा प्रसिद्ध गायक दीप श्रेष्ठ, संगीतकार प्रकाश गुरुङले सुब्बाको लेख निबन्ध र संस्मरणसंग्रह रहेको कृति सार्वजनिक गरेका हुन् । पाँच दशकदेखि संगीतकर्ममा संलग्न सुब्बा साढे दुई दशकदेखि हङकङमा बस्दै आएका छन् ।

उनले नेपाली गीत, संगीत, बाजा, संगीतलिपिको प्रयोग र आफ्नो अनुभवलाई लिपिबद्ध गरेका छन् ।

यसैगरी नेपाली गीत, संगीतका निम्ति समर्पित आफ्ना गुरु अम्बर गुरुङ, गोपाल योन्जन, दिव्य खालिङलगायत स्रष्टाहरूको चर्चा गरेका छन् । ‘मेरो भाग्यमानी बाजा’, ‘संगीत र ध्वनिविज्ञान’, ‘खुसीको ध्वनि’, ‘मैले बुझेको अर्केस्ट्रा र एल्लो रिभर’, ‘सिर्जनाका पाँच दशक’, ‘जीवनलाई ट्युन गर्न नसकेका गुरु संगीतकार यु बोया’, ‘धेरै वाद्यवादक बनौं’ शीर्षक आलेख रहेका छन् ।

यसैगरी ‘संगीत स्थायी र अन्तरामात्र होइन’, ‘अर्केस्ट्रको आवश्यकता’, ‘प्रायोगिक गीत’, ‘हङकङेली गीतिसाहित्यमा एउटा ओअसिस गीतसागर’, ‘गीतभित्रको गाथा’, ‘म्युजिकल इन्टभ्ल’, ‘ध्वनि तरंग र हाम्रो मौलिक बाजा’लगायत ३९ शीर्षकका आलेख समेटिएका छन् ।

अनिता गुरुङ (सुब्बा) प्रकाशक रहेको पुस्तकबारे भूपाल राई, प्रदीप बम्जन, बुलु मुकारुङ, सुवासचन्द्र ढुंगेल, दीप श्रेष्ठ, प्रकाश गुरुङ, भावेश भुमरीले चर्चा गरेका थिए ।

प्रकाशित : माघ २१, २०७९ १५:३९
प्रतिक्रिया
पठाउनुहोस्

सिक्किममा ४८ घन्टे हड्ताल

पर्वत पोर्तेल

झापा — सिक्किमका नेपाली भाषीलाई सर्वोच्च अदालतले ‘विदेशी’ भनी टिप्पणी गरेको विरोधमा सिंगो सिक्किम आन्दोलित भइरहेका बेला त्यहाँका विपक्षी दल सिक्किम डेमोक्रेटिक फ्रन्ट (एसडीएफ) ले शनिबारदेखि ४८ घन्टे हड्ताल आह्वान गरेको छ ।

निवर्तमान मुख्यमन्त्री पवन चाम्लिङको दल एसडीएफको आह्वानमा भएको हड्तालमा चाम्लिङ निकट नेता कार्यकर्तादेखि सर्वसाधारणको समर्थन छ । चाम्लिङ आफैं धर्नामा सहभागी बनेका छन् ।

कार्यकर्तालाई सम्बोधन गर्दै चाम्लिङले भने, ‘जसले बन्दलाई समर्थन गर्दैनन्, तिनीहरु सिक्किम र नेपालीभाषीको विरोधी हुन् ।’

चामलिङले नेपालीहरूलाई विदेशीको लाञ्छना लाग्ने अवस्थाको सिर्जना गर्न सत्तारुढ दल सिक्किम क्रान्तिकारी मोर्चा र मुख्यमन्त्री प्रेमसिंह गोले जिम्मेवार रहेको आरोप लगाए।

प्रकाशित : माघ २१, २०७९ १५:३१
पूरा पढ्नुहोस्
प्रतिक्रिया
पठाउनुहोस्
×