दुर्गादेवीलाई ‘गोधूलि विशेष पुरस्कार–२०७९’अर्पण- साहित्य/विविध - कान्तिपुर समाचार
कान्तिपुर वेबसाईट
AdvertisementAdvertisement

दुर्गादेवीलाई ‘गोधूलि विशेष पुरस्कार–२०७९’अर्पण

कान्तिपुर संवाददाता

काठमाडौँ — आफ्नो भोगाइ र अनुभूतिलाई सिर्जनामा उतारेर समकालीन समाजलाई ऊर्जा प्रदान गर्ने स्रष्टा दुर्गादेवी नेपाललाई ‘गोधूलि विशेष पुरस्कार–२०७९’ प्रदान गरिएको छ । नेपालद्वारा लिखित आत्मकथा ‘बगेको खोला’लाई उच्च सम्मान गर्दै उक्त पुरस्कार प्रदान गरिएको हो ।

सोमबार अनामनगर घट्टेकुलोस्थित नईगृहमा गोधूलि साहित्य प्रतिष्ठानले गरेको कार्यक्रममा नेपाललाई उक्त पुरस्कार प्रदान गरिएको हो । प्रा.डा. उषा ठाकुरले उनलाई ताम्रपत्रसहित नगद १० हजार रुपैयाँ हस्तान्तरण गरिन् ।

लामो समयदेखि अस्वस्थ रहेकी विराटनगर निवासी८५ वर्षीया उनलाई अस्वस्थताकै कारण उनी हाल बसोबास गरिरहेकै निवासमा प्रतिष्ठानले पुरस्कार अर्पण गरेको हो । स्वअध्ययनबाट नै उनले ‘उनैको माया’कवितासंग्रह समेत ल्याएकी छन् ।

नेपालको आत्मकथा ‘बगेको खोला’ र कविता संग्रह दुवैले मानवजीवन, संघर्ष, आत्मबल र कर्मप्रति विश्वास गर्न सिकाएको प्रा.डा. ठाकुरले बताइन् । ‘उहाँ जति बाहिर सुन्दर हुनुहुन्छ भित्री मनबाट पनिउत्तिकै अमृत समान उदार र परोपकारी हुनुहुन्छ,’ उनले भनिन्,‘नारीको विवाहपछिको संघर्ष, घर परिवार चलाउने आत्मबल हामीले उहाँबाट सिक्नपाएका छौं ।’

प्रतिष्ठानका संयोजक प्रकाश समीर र ठाकुरले नेपालको कृतिले सदैव सत्मार्ग र उत्प्रेरणा दिने धारणा व्यक्त गर्दै उनको सूस्वास्थ्य तथा दीर्घायूको कामना गरे ।

प्रकाशित : कार्तिक २१, २०७९ १८:३५
प्रतिक्रिया
पठाउनुहोस्

ग्लोबल आईएमई बैंकका ग्राहकलाई दराज ११:११ मा २० प्रतिशतसम्म छुट 

कान्तिपुर संवाददाता

काठमाडौँ — ग्लोबल आईएमई बैंकका ग्राहकले अनलाइन सपिङ्ग प्लेटफर्म दराजको ११:११ अफरमा २० प्रतिशतसम्म छुट पाउने भएका छन् । यस योजनाअन्तर्गत ग्राहकले ग्लोबल आईएमई बैंकको भिषा डेबिट वा क्रेडिट कार्ड प्रयोग गरी दराज अनलाइनमार्फत सामान खरिद गर्दा १५ देखि २० प्रतिशतसम्म छुट पाउनेछन् । 

बैंकको डेबिट कार्ड प्रयोगकर्ताले १५ प्रतिशत वा अधिकतम २ हजार ५०० रुपैयाँसम्म र क्रेडिट कार्ड प्रयोगकर्ताहरुले २० प्रतिशत वा अधिकतम ३ हजार रुपैयाँसम्म छुट पाउनेछन् । छुट पाउनका लागि बैंकका कार्डबाहक ग्राहकले दराज एपबाट ग्लोबल आईएमई बैंकको छुट भौचर लिनुपर्नेछ । यो योजना नोभेम्बर ११ देखि सीमित अवधिको लागि रहेको बैंकले जनाएको छ । बैंकका देशभर २९२ शाखा, २७० एटीएम, २७५ शाखा रहित बैंकिङ्ग सेवा, ५१ एक्सटेन्सन तथा राजश्व संकलन काउन्टर सञ्चालनमा छन् ।

प्रकाशित : कार्तिक २१, २०७९ १८:३१
पूरा पढ्नुहोस्
प्रतिक्रिया
पठाउनुहोस्
x
×