‘अफगानिस्तान : अबको बाटो’ पुस्तक सार्वजनिक- साहित्य/विविध - कान्तिपुर समाचार

‘अफगानिस्तान : अबको बाटो’ पुस्तक सार्वजनिक

कान्तिपुर संवाददाता

काठमाडौँ — अफगानिस्तानमा अमेरिकाले तालिबानलाई सत्ता जिम्मा लगाएको एक वर्ष नाघिसकेको छ । जसरी अफगानिस्तानबाट अमेरिका र ऊसँग सम्बन्धित सैन्य गठबन्धन बाहिरियो, त्यसले संसारलाई नै चकित पार्‍यो । अमेरिका अफगानिस्तानबाट फर्केलगत्तै तालिबानले काबुलमा पुगेर सत्ता कब्जा गर्‍यो ।

सन् २००१ मा तालिबानकै सरकारलाई हटाएर आफ्नो पहलमा सरकार गठन गरेरको अमेरिकाले सत्ता फेरि तालिबानलाई नै जिम्मा लगाएर बाहिरियो । तालिबानको सरकार आएसँगै अफगानिस्तानमा महिला र बालबालिकाको अधिकारलाई लिएर प्रश्न उठेको छ । तालिबानलाई हालसम्म कुनै पनि मुलुकले आधिकारिक रुपमा मान्यता दिइसकेका छैनन् । नेपालसहित विश्वका विभिन्न मुलुकहरू र संघ-संस्थाहरूले अफगानिस्तानमा मानवीय सहयोग गरिरहेका छन् ।

अफगानिस्तानमा भइरहेको संकट; यसले यो क्षेत्रमा पारेको असर; सुरक्षा संवेदनशीलता र तालिबान सरकारको गतिविधि तथा उक्त मुलुकको इतिहासका विभिन्न घटनाहरूलाई समेत समेटेर ‘अफगानिस्तान : अबको बाटो’ नामक पुस्तक सार्वजनिक गरिएको छ ।

कोनराड एडेनौर स्टिफटुङ (कास) र कोसाटले बजारमा ल्याएको यस पुस्तकमा दक्षिण एसियाका सुरक्षा, परराष्ट्र मामिला र अन्य सम्बन्धित क्षेत्रका विज्ञहरू मिलेर अफगानिस्तानका विभिन्न समस्या र अबको बाटोबारे लेखेको बताइएको छ ।

तालिबान आएपछिको अफगानिस्तान र यसले यो क्षेत्रमा पार्ने असर, अफगानिस्तानमा महिला र बालबालिकाको अधिकार, अफगान शरणार्थी, अफगानिस्तानमा मानवीय संकट र यसको सहयोगलगायत विषयमाथि पुस्तकमा उल्लेख गरिएको छ । ‘जसरी अफगानिस्तानमा अमेरिकाले सुरुवातमा तालिबानलाई हटाएर सरकार निर्माण गर्‍यो र फेरि २० वर्षपछि त्यहि तालिबानलाई सरकार सुम्पिएर हिँड्यो । यसले कुनै पनि समस्याको समाधान भएन; झन् समस्या थपिदियो,’ कोसाटका अध्यक्ष निश्चलनाथ पाण्डेले भने ।

प्रकाशित : आश्विन १५, २०७९ १७:१६
प्रतिक्रिया
पठाउनुहोस्

गोरखाको चुमनुव्री पालिकालाई चीनले दियो एक्स्काभेटर

हरिराम उप्रेती

गोरखा — चुमनुव्री गाउँपालिकालाई चीन सरकारले एक्स्काभेटर सहयोग गरेको छ । सीमा क्षेत्रमा रहेको हिमाली पालिकालाई चीन सरकारले उपलब्ध गराएको एक्स्काभेटर रसुवागढी नाका हुँदै गोरखा ल्याइएको छ । दुर्गमको चुमनुव्री गाउँपालिकामा सडक सञ्जाल विस्तार हुने क्रममा छ । 

संचालन व्यवस्थापनको योजना बनाएर एक्स्काभेटर प्रयोगमा ल्याउने चुमनुव्री गाउँपालिकाका प्रमुख प्रशासकीय अधिकृत भिमसेन श्रेष्ठले जानकारी दिए । ‘कोभिडअघि नै एक्स्काभेटर दिने निर्णय भइसकेको थियो, तर कोभिडका कारण केही ढिला भयो,’ उनले भने, ‘गत असारमा रसुवा नाकामा ल्याएर राखेको एक्स्काभेटर बर्खा सकिएसँगै गोरखा बजारसम्म ल्याएका छौं ।’

अब सहयोग प्राप्त एक्स्काभेटर तिहारपछि चुमनुव्री गाउँपालिका लैजाने श्रेष्ठले बताए । उक्त एक्स्काभेटर सडक सञ्जाल विस्तारमा प्रयोग गर्ने गाउँपालिकाको योजना छ ।

प्रकाशित : आश्विन १५, २०७९ १६:३२
पूरा पढ्नुहोस्
प्रतिक्रिया
पठाउनुहोस्
×