‘पर्यटन प्रवर्द्धन’ गर्न फोटो प्रतियोगिता  - साहित्य/विविध - कान्तिपुर समाचार

‘पर्यटन प्रवर्द्धन’ गर्न फोटो प्रतियोगिता  

कान्तिपुर संवाददाता

काठमाडौँ — मुलुकको पर्यटन प्रवर्द्धन गर्न भन्दै अठोट नेपाल नामको संस्थाले फोटो प्रतियोगिता गर्ने भएको छ । कोभिड महामारीले तहसनहस भएको पर्यटन क्षेत्रलाई फोटोको माध्यमबाट प्रवर्द्धन गर्न प्रतियोगिता गर्न खोजिएको प्रतियोगीताका संयोजक देवेन्द्रबहादुर शाही ठकुरीले जानकारी दिए । 

ठकुरीका अनुसार यो प्रतियोगिता सातै प्रदेशका फोटोग्राफरहरुलाई प्रोत्साहन गर्न र उनीहरुको क्षमतालाई उजागर गर्ने उद्देश्यले गर्न खोजिएको हो । ‘प्रतियोगिता चार वटा विधामा हुनेछ,’ उनले भने, ‘सम्पूर्ण फोटोग्राफरहरुलाई सहभागी हुन आह्वान गर्दछौं ।’ नेचर, कल्चर, लाइफस्टाइल र वाइल्डलाइफ विधाका फोटो प्रतियोगितामा समावेश गरिनेछ । प्रत्येक विधामा ५०–५० हजार रुपैयाँ नगद पुरस्कार तोकिएको छ । चारमध्ये एक उत्कृष्टलाई डोल्पाको फोक्सुन्डो तालको फोटोग्राफी टुर प्याकेज दिने घोषणासमेत गरेको छ ।

प्रतियोगितामा प्रत्येक प्रदेशबाट ७–७ फोटो छनौट गरी ४९ र बाँकी चार विधाबाट ४ गरेर जम्मा ५३ फोटोलाई पर्यटन प्रवर्द्धनका लागि सात वटै प्रदेशमा प्रदर्शन गरिने संयोजक ठकुरीले बताए ।

प्रतियोगितामा सहभागी फोटोमध्येबाट भदौ ३ गते अर्थात (विश्व फोटोग्राफी दिवस) का दिन उत्कृष्ट घोषणा गरिनेछ । प्रतियोगिताको निर्णायक मण्डलमा वरिष्ठ फोटोग्राफर जगदीश तिवारी र भरतबन्धु थापा छन् ।

प्रकाशित : असार १८, २०७९ १३:०६
प्रतिक्रिया
पठाउनुहोस्

शाओमीको रेड्मी नोट ११ प्रो बजारमा

कान्तिपुर संवाददाता

काठमाडौँ — शाओमीले रेड्मी नोट ११ प्रो नेपाली बजारमा सार्वजनिक गरेको छ । रेड्मी नोट ११ प्रोमा उत्कृष्ट क्यामेरा र छिटो चार्ज हुने ब्याट्री रहेको कम्पनीकाे दाबी छ ।

शाओमी नेपालका कन्ट्री जेनेरल म्यानेजर अमित कुमार पंडाका अनुसार उत्कृष्ट क्यामेरा, उच्च रिजोलुसनसहितको डिस्प्ले, उच्च कार्यसम्पादन र पावर–प्याक ब्याट्रीका साथ रेड्मी नोट ११ प्रो बजारमा आएको छ । रेड्मी नोट ११ प्रोमा रहेको रियर क्वाड क्यामेरा सेटअपले उत्कृष्ट फोटोग्राफी अनुभव प्रदान गर्ने विज्ञप्तीमा उल्लेख छ ।

पावर अपको लागिः यसमा मिडियाटेक हेलियो जी ९६ प्रोसेसर रहेको र यसको फ्ल्यागसिप ६७ डब्लु टर्बो चार्जिङले १५ मिनेटमै ५१% सम्म ब्याट्री चार्ज गरिदिने कम्पनीको भनाइ छ । ट्रेन्डी फ्ल्याट–एज डिजाइनको डिस्प्ले र डुअल सुपर लिनियर स्पिकरहरूको साथमा रेड्मी नोट ११ प्रोले गेमिङ वा भिडियोका लागि इमर्सिभ स्टेरियो साउन्ड प्रदान गर्ने जनाइएको छ । ग्रेफाइट ग्रे, पोलर ह्वाइट, स्टार ब्लु गरी तीन रंगमा उपलब्ध यी फोनको मूल्य क्रमशः ३४,९९९ रुपैयाँ र ३६,९९९ रुपैयाँ तोकिएको छ ।

प्रकाशित : असार १८, २०७९ १३:०१
पूरा पढ्नुहोस्
प्रतिक्रिया
पठाउनुहोस्
×