‘सफलताका सूत्र’ कृति सार्वजनिक- साहित्य/विविध - कान्तिपुर समाचार

‘सफलताका सूत्र’ कृति सार्वजनिक

कान्तिपुर संवाददाता

काठमाडौँ — साहित्यकारद्वय नम्रता पाण्डे र प्रद्युम्नराज पाण्डेद्वारा लिखित निबन्धसंग्रह 'सफलताका सूत्र' लोकार्पण भएको छ। 

दायित्व वांगमय प्रतिष्ठानद्वारा प्रकाशित कृति प्रज्ञा भवनमा एक समारोहबीच लोकार्पण भएको हो । पुस्तक नेपाली भाषा साहित्यकार प्रा. वासुदेव त्रिपाठीलगायतले लोकार्पण गरेका हुन् । लेखक दम्पतिद्वयले यसअघि पनि ‘आफ्नो किताब’, ऊर्जा र ‘रहस्य: जीवन र प्रेम’ कृति प्रकाशन गरिसकेका छन् । ती पुस्तक सफल भएकोले 'सफलताका सूत्र' कृति रचना गरेको लेखकद्वयको भनाइ छ ।

जीवनमा असफल भएको खण्डमा कुनै पनि व्यक्ति समाजमा कसैको प्रिय बन्न नसक्ने भएकाले सफलताका लागि निरन्तर लगावको जरूरत पर्ने मुख्य विषयवस्तु पुस्तकले उठान गरेको छ ।

सहज जीवनका लागि हरेक व्यक्तिले आफ्नो लक्ष्य निश्चित गर्नुपर्दछ भन्ने सूत्रहरू आफ्नो जीवनको अनुभूतिसंग मेल खाएका दृष्टान्तमार्फत प्रस्तुत गरिएको लेखकद्वयको भनाइ छ।

प्रकाशित : असार ७, २०७९ २०:३५
प्रतिक्रिया
पठाउनुहोस्

बालिकालाई यौन धन्धामा लगाउने दुई पक्राउ

वीरेन्द्र केसी

अर्घाखाँची — सन्धिखर्क नगरपालिकाकी १४ वर्षीया बालिकालाई चाउचाउ, विस्कुट दिएर फकाएर यौन क्रियाकलापमा लगाउने दुई जनालाई प्रहरीले पक्राउ गरेको छ । 

नाताले हजुरआमा पर्ने ४० वर्षीया महिला र शितगंगा नगरपालिका–१४ बस्ने २२ वर्षीय ओमप्रकाश न्यौपानेलाई प्रहरीले पक्राउ गरेको हो ।

ती महिलाले बालिकाको परिवारलाई कुनै जानकारी नगराई फकाएर आफ्नो घरमा लगेर चाउचाउ, बिस्कुट दिएर बालिकालाई जबर्जस्ती करणी गराई न्यौपानेसित पैसा लिने गरेको खुल्न आएको प्रहरी नायव उपरीक्षक अमरबहादुर थापाले बताए ।

दुवै जनालाई आइतबार पक्राउ गरी मानव बेचविखन तथा ओसारपसार र जबर्जस्ती करणी कसुरमा मुद्दा दर्ता गरी अर्घाखाँची जिल्ला अदालतबाट ६ दिनको म्याद थपी अनुसन्धान भइरहेको प्रहरीले जनाएको छ ।

कक्षा ६ मा पढ्ने ती बालिका हजुरआमासँग बस्ने, पछिल्लो सयम विद्यालयसमेत जान छाडेकी र घरमा समेत बेलाबेलामा बेपत्ता भई मध्य रातसम्म घरबाहिर रहने गरेको अनुसन्धानको क्रममा भेटिएको प्रहरीले जनाएको छ ।

यौन क्रियाकलापबारे कोही कसैलाई जानकारी गराएमा बालिकालाई कुटपिट गर्ने, ज्यान मार्नेसम्मको धम्की दिने गरेको पनि अनुसन्धानको क्रममा खुल्न आएको प्रहरीले जनाएको छ ।

प्रकाशित : असार ७, २०७९ २०:२३
पूरा पढ्नुहोस्
प्रतिक्रिया
पठाउनुहोस्
×