छनोटमा तीन स्रष्टा
काठमाडौँ — लुनकरणदास–गंगादेवी चौधरी साहित्यकला मन्दिरले साहित्य, कला, संस्कृति क्षेत्रका तीन स्रष्टालाई सम्मान गर्ने भएको छ ।
मन्दिरका अध्यक्ष वसन्त चौधरीको सभापतित्वमा भएको बैठकले तेजेश्वरबाबु ग्वङ्गलाई सरस्वती सम्मान, प्रा.डा. त्रिरत्न मानन्धरलाई इतिहास शिरोमणि बाबुराम आचार्य शोध सम्मान र न्हुच्छेबहादुर डंगोललाई नारायणगोपाल संगीत सम्मान प्रदान गर्न नाम छनोट गरेको हो ।
सम्मानहरू मन्दिरको वार्षिकोत्सवको अवसरमा वैशाख २७ मा काठमाडौंमा प्रदान गरिने जनाइएको छ ।
प्रकाशित : वैशाख १५, २०७९ ०७:२७प्रतिक्रिया
