बुधबारदेखि जनकपुरमा साहित्य महोत्सव

चैत्र २३, २०७८कान्तिपुर संवाददाता

जनकपुर — मैथिली विकास कोषले जनकपुरमा साहित्य, कला तथा नाट्य महोत्सव–२०७८ गर्ने भएको छ । बुधबारदेखि हुने तीनदिने महोत्सवका कार्यक्रम जानकी मन्दिर परिसर र उद्योग वाणिज्य संघको सभाहलमा हुनेछ ।

महोत्सवमा नेपाल र भारतका सय जनाभन्दा बढी वक्ता–स्रष्टा सहभागी हुने कोषका अध्यक्ष जीवनाथ चौधरीले बताए । पत्रकार सम्मेलन गर्दै कोषले महोत्सवको तयारी पूरा भएको जनाएको छ । ‘सत्तामा रमाएको विद्रोह,’ ‘मातृभाषामाथि लगाम,’ ‘भाषा, भाषिका तथा मैथिली,’ ‘मैथिली भाषामा वैचारिक चेत तथा नेपाली साहित्यमा वर्णित मिथिला–मधेस’ लगायतका १० शीर्षकमा बहस हुनेछ ।