मोहन मैनालीद्वारा अनूदित निबन्धसंग्रह 'आकाशमुखी' को आवरण सार्वजनिक - साहित्य/विविध - कान्तिपुर समाचार
कान्तिपुर वेबसाईट
AdvertisementAdvertisement

मोहन मैनालीद्वारा अनूदित निबन्धसंग्रह 'आकाशमुखी' को आवरण सार्वजनिक 

कान्तिपुर संवाददाता

काठमाडौँ — लेखक मोहन मैनालीद्वारा अनूदित निबन्धहरूको किताब 'आकाशमुखी' को आवरण सार्वजनिक गरिएको छ । दशैँको अवसरमा प्रकाशनगृह 'बुक-हिल'ले आफ्नो ट्विटर ह्यान्डलबाट आयोजना गरेको 'कोट एन्ड आरटी' अन्तर्गतका उप-विजेताद्वय 'म्याउँ' र 'मस्तमौलाना'ले आवरण सार्वजनिक गरेका हुन् ।

सामाजिक सञ्जाल ट्विटरमा चर्चित रहेका अपरिचित पाठकबाट आफ्नो पुस्तकको आवरण सार्वजनिक गराउन पाएकोमा लेखक मैनालीले खुशी प्रकट गरे । उनले भने, 'सचेत पाठक नै लेखकभन्दा शक्तिशाली भएकाले लेखकलाई उर्जा प्रदान गर्न यस्ता कुराले मद्दत गर्छ ।'

किताबको आवरण चर्चित ग्राफिक डिजाइनर सचिन यगोल श्रेष्ठले बनाएका हुन् । मैनालीका मनपसन्द १५ वटा विदेशी निबन्धहरूको अनूदित सो किताब आगामी जनवरीमा बजारमा आउनेछ ।

सो अवसरमा लेखकद्वय कुमार नगरकोटी र मोहन मैनालीले उप-विजेताद्वयलाई उपहार हस्तान्तरण गरे । विजेता 'काजीबा' (कार्यक्रममा अनुपस्थित) र उप-विजेताद्वयलाई करिब ४० हजार रुपैयाँबराबरका पुस्तक प्रकाशन गृह बुक-हिलले उपहारस्वरूप प्रदान गरेको हो ।

प्रकाशित : मंसिर ६, २०७८ १३:३३
प्रतिक्रिया
पठाउनुहोस्

प्रधानन्यायाधीशले पैसा लिएर फैसला गरेको सूचना भए उपलब्ध गराउनूस् : अध्यक्ष श्रेष्ठ

कान्तिपुर संवाददाता

काठमाडौँ — नेपाल बार एसोसियसनका अध्यक्ष चण्डेश्वर श्रेष्ठले प्रधानन्यायाधीश चोलेन्द्रशम्शेर जबराले पैसा लिएर गरेको फैसलाको सूचना भए उपलब्ध गराउन कानुन व्यवसायी र सेवाग्राहीलाई आग्रह गरेका छन् । 

सोमबार पनि सर्वोच्च अदालत परिसरमा बारले दिएको धर्ना कार्यक्रममा बोल्दै अध्यक्ष श्रेष्ठले प्रधानन्यायाधीश जबराले पैसा खाएर गरेको फैसलाको सूचना भए नेपाल बारमा उपलब्ध गराउन कानून व्यवसायी र सेवाग्राहीहरुलाई आग्रह गरेका हुन् । प्रधानन्यायाधीश जबराले गरेको फैसलाहरूले विकृति, विसंगति, बिचौलिया र भ्रष्टाचार भइरहेको आरोप लगाउँदै नेपाल बारले पनि प्रधानन्यायाधीशले गरेको फैसलाको अध्ययन र संकलन गरिरहेको श्रेष्ठले बताए ।

अध्यक्ष श्रेष्ठले प्रधानन्यायाधीशले पैसा लिएर गरेको फैसलालाई राखेर जनताको बीचमा पेस गरिने बताए । न्यायालयमा विकृति र विसंगति भइरहेको भन्दै कानसुन व्यवसायीहरु आन्दोलनमा उत्रिएको दुई हप्ता भइसक्दा समेत ‘राजनीतिक दल कानमा तेल र मुखमा बुझो हालेर बसेको’ आरोप श्रेष्ठको छ ।

अध्यक्ष श्रेष्ठले राज्यको महत्त्वपूर्ण अंगमा आएको समस्याका बारेमा चुप लागेर बस्ने भए थप आन्दोलनका कार्यक्रम अघि बढाउने चेतावनी दिए ।

अध्यक्ष श्रेष्ठले भने, ‘हाम्रो यो हप्ताको कार्यक्रमअन्तर्गत, जो दलहरु अझै पनि कानमा तेल र मुखमा बुझो लगाएर बसिरहनु भएको छ, के न्यायपालिका राज्यको अंग होइन ? राज्यको एउटा महत्त्वपूर्ण अंगमा यो अवस्था आउँदा चुप लागेर बस्ने हो ? हामीले किन राजीनामा मागिरहेका छौँ भन्ने कुरा आज हामी प्रतिनिधिसभामा संसद्मा सहभागी भएका राजनीतिक दल र संसदीय दलहरुमा राजीनामा किन भन्ने कुरा दिन गइरहेका छौँ, २ बजे आज कार्यक्रम छ, त्यसपछि राजीनामा किन मागेका छौँ भन्ने कुरा डिटेल्समा तपाईंहरुको बीचमा राख्नेछौँ, अर्को विनम्र अनुरोध गर्दछु, उहाँले गर्नुभएका कर्तुत, विवादित प्रधानन्यायाधीश संलग्न भएको जति पनि फैसलाहरु छ, जसले गर्दा विसंगति, विकृति, विचौलिया र भ्रष्टाचार भइरहेको छ, ती फैसलाहरु नेपाल बार एसोसिएसनले संकलन, अध्ययन गरिरहेको छ, तपाईंहरुसँग भएको, तपाईहरुलाई अन्याय परेको, तपाईंहरुसँग अत्यन्त पैसा लिएको फैसलाहरु बारमा दिनुहुनको लागि विनम्र अनुरोध गर्दछु । ’

अध्यक्ष श्रेष्ठले प्रधानन्यायाधीश जबराले तीन वर्ष न्यायपालिका र सेवाग्राहीमाथि अन्याय गरेको आरोप लगाउँदै अब अन्याय हुन नदिने बताए । उनले प्रधानन्यायाधीश जबराले धनाढ्यहरुको मुद्दामा मात्रै काम गरिरहेको तर १५÷१६ वर्ष अघिका मुद्दा नहेरेको दाबीसमेत गरे ।

प्रकाशित : मंसिर ६, २०७८ १३:२६
पूरा पढ्नुहोस्
प्रतिक्रिया
पठाउनुहोस्
×