मैथिली साहित्यकार सभामा ११ स्रष्टा सम्मानित- साहित्य/विविध - कान्तिपुर समाचार
कान्तिपुर वेबसाईट
AdvertisementAdvertisement

मैथिली साहित्यकार सभामा ११ स्रष्टा सम्मानित

कान्तिपुर संवाददाता

काठमाडौँ — जनकपुर – मैथिली साहित्यकार सभाको दसौं वार्षिकोत्सवको अवसरमा मैथिली भाषा, साहित्य, अनुस‍न्धान, नाटक आदि विधामा उल्लेखनीय योगदान दिने ११ स्रष्टालाई सम्मान गरिएको छ ।

पूर्वाञ्चल विश्वविद्यालयका पूर्वउपकुलपति तथा भाषा वैज्ञानिक प्रा.डा.रामावतार यादवले उनीहरुलाई दोसल्ला तथा प्रशंसापत्रसहित सम्मान गरेका हुन् । सभाका अध्यक्ष प्रेम विदेह ललनले कोरोना महामारीको कारण गत वर्ष सम्मान समारोह आयोजन गर्न नसकिएकोले दुवै वर्षको सम्मान एकैपटक प्रदान गरिएको जानकारी दिए ।

वरिष्ठ साहित्यकार डा.रेवतीरमण लाललाई ज्योतिरीश्वर साहित्य सम्मान, चन्द्रकान्त झा चन्द्रलाई बदरी अनुवादसाहित्य सम्मान, आ नागेश्वर मण्डललाई पाथेय युवा साहित्य सम्मान, अनिलकुमार कर्णलाई मैथिली साहित्यकार सभा सम्मान, काशी कान्त झा तृषितलाई विद्यापति काव्य सम्मान, नित्यानन्द मिश्रलाई शेखर साहित्य सम्मान, विजेता चौधरीलाई गार्गी साहित्य सम्मान, विजयदत्त मणिलाई मञ्चीय शिखर कवि सम्मान लगायत सम्मान गरिएको थियो ।

प्रमुख अतिथि प्रा.डा.यादवसँगै साहित्यकार तथा राष्ट्रियसभाका पूर्वसांसद् वृषेशचन्द्र लाल, साहित्यकार रोशन जनकपुरी, जनकपुरधाम उद्योग वाणिज्य संघका पूर्व अध्यक्ष प्रकाशचन्द्र साहलगायतले पनि स्रष्टाहरुलाई सम्मान गरेका थिए ।

यस अवसरमा पूर्वसांसद् वृषेशचन्द्र लालले मैथिली साहित्यकार सभाका अध्यक्ष प्रेम विदेह ललनलाई १ लाख १० हजारको चेक हस्तान्तरण गरेका थिए । लालका अनुसार उक्त रकम अक्षय कोषमा राखी वर्षेनी एक स्रष्टालाई पुरस्कृत गरिने छ ।

प्रकाशित : आश्विन २३, २०७८ १८:४७
प्रतिक्रिया
पठाउनुहोस्

चिनियाँ सेनालाई भारतीय सेनाप्रमुखको चेतावनी: सीमाक्षेत्र नछाडे हामी पनि त्यहीँ रहन्छौँ

एजेन्सी

काठमाडौँ — भारतीय सेना प्रमुख एमएम नरावाणेले लद्दाखस्थित 'एलएसी'(लाइन अफ एक्चुअल कन्ट्रोल)मा चिनियाँ सेनाले निर्माण कार्य जारी राखेमा आफ्ना सैनिकहरु पनि त्यस क्षेत्रमै रहने चेतावनी दिएका छन् ।

चिनियाँ सेनाले लद्दाखस्थित वास्तविक नियन्त्रण रेखा (लाइन अफ एक्चुअल कन्ट्रोल) मा ठूलो मात्रामा भौतिक संरचना निर्माणको काम जारी राखेकोमा भारतीय सेनाले यसको विरोध गरेको हो । चिनियाँ सेना त्यस क्षेत्रबाट नहटेमा आफूहरु पनि त्यहीँ बस्ने नरावणेको चेतावनी थियो । "यदी उनीहरु त्यहीँ बस्ने भए भने हामी पनि त्यहीँ बस्नेछौँ" नरावणेले भनेका छन् ।

एलएसीमा चिनियाँ सेनाको उपस्थितिले पाकिस्तानी सीमा क्षेत्रको जस्तै अवस्था सिर्जना हुने नरावणेले बताएका थिए । साथै आफूहरुले चिनियाँ सेनाको त्यस क्षेत्रको गतिविधिमाथि चनाखो भएर निगरानी गर्ने समेत उनले बताए ।

गत वर्षको जुनमा चिनियाँ सेना र भारतीय सेनाबीच गलवान उपत्याकामा भीडन्त भएपछि सीमा क्षेत्र बन्द गरिएको छ । भीडन्तको क्रममा २० जना भारतीय सैनिक मारिएका थिए ।

गत साता अरुणाञ्चल प्रदेशको तवाङ जिल्लास्थित एलएसीमा भारतीय र चिनियाँ सैनिकहरु आमने-सामने भएका थिए । भारतीय सञ्चारमाध्यमका अनुसार २ सय चिनियाँ सेनाहरु तिब्बतको बाटो हुँदै भारततर्फ प्रवेश गरेका थिए । र उनीहरुमध्ये केही भारतको नियन्त्रणमा छन् ।

प्रकाशित : आश्विन २३, २०७८ १८:२३
पूरा पढ्नुहोस्
प्रतिक्रिया
पठाउनुहोस्
×