कुमार-सरस्वती साहित्य पुरस्कार घिमिरेलाई
काठमाडौँ — साहित्यकार रमण घिमिरेले ‘कुमार–सरस्वती साहित्य पुरस्कार–२०७७’ पाउने भएका छन् । वासु शशी स्मृति परिषद्का अध्यक्ष गणेश रसिकको अध्यक्षतामा बसेको कार्यसमिति बैठकले घिमिरेलाई पुरस्कारले सम्मान गर्ने निर्णय गरेको हो ।
२५ हजार रुपैयाँ राशिको उक्त पुरस्कार कवि एवं नाटककार वासु शशीको ८५ औं जन्मजयन्तीका अवसरमा आगामी चैत १३ गते प्रदान गरिनेछ ।
साहित्यकार घिमिरे चार दशकदेखि नेपाली भाषा, साहित्य र पत्रकारिता क्षेत्रमा सक्रिय छन् । उनका ‘एक दर्जन अक’ ‘...अर्थात् हामी’ र ‘सूत्रधार’ निबन्धसङ्ग्रह प्रकाशित छन् ।