जनकपुर साहित्य महोत्सव: दोस्रो दिन ५ सत्रमा छलफल- साहित्य/विविध - कान्तिपुर समाचार

जनकपुर साहित्य महोत्सव: दोस्रो दिन ५ सत्रमा छलफल

सन्तोष सिंह

धनुषा — जनकपुर साहित्य महोत्सवको दोस्रो दिन ५ शिर्षकमा बहस भएको छ । बिहीबारको बिहानी सत्रको पहिलो बहसमा जानकी मन्थन शिर्षकमा साहित्यकार राजेन्द्र विमलले एकल विचार राखे ।

बिहान सत्रको दोस्रो बहसमा 'जाऔं जनकपुर सुदर्शनजीसँग' विषयमा सुदर्शन लाल कर्णसँग मानषी अग्रवालले छलफल गरे । बिहानको तेस्रो सत्रमा 'समाज : सौन्दर्यभित्र, सौन्दर्यबाहिर' विषयमा जनकपुरमा एसिड आक्रमण पीडित आरती साह, सञ्चिता लुइँटेलसँग उज्वल विक्रम थापाले छलफल गरे ।

दिउँसोको 'मैथिली साहित्य र इतिहास' विषयको प्रवचनमा साहित्यकारद्वय रामवतार यादव र रोशन जनकपुरीले बहस गरे । दोस्रो दिनको अन्तिम सत्र 'किताब : वर्णदेखि वस्तुसम्म' विषयमा भुषिता वशिष्ठ, राजिवधर जोशी, गणेश लाठसँग भुपेन्द्र खड्काले छलफल गरे ।

कांग्रेस नेता विमलेन्द्र निधि आउन नसकेपछि 'राजनीतिको राग : कहाँदेखि कहाँसम्म' विषय स्थगित भएको थियो ।

प्रकाशित : फाल्गुन २०, २०७७ १८:२६
प्रतिक्रिया
पठाउनुहोस्

रुपन्देही सुपर लिग : वेस्टर्न विजयी

सन्जु पौडेल

तिलोत्तमा — देवदह क्रिकेट युनिटलाई १ सय ३६ रनको फराकिलो रनले पछि पार्दै वेस्टर्न क्रिकेट एकेडेमी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बिहीबार डिभिजन ‘ए’को खेलमा विजयी भएको छ । हारसँगै देवदह भने रेलिगेसनमा परेर ‘ए’ डिभिजनबाट ‘बी’ डिभिजनमा घटुवा भयो ।

टस जितेर ब्याटिङ रोजेको वेस्टर्नले निर्धारित ४४ ओभरको खेलमा ९ विकेट क्षतिमा २ सय २१ रनको योगफल बनायो । उसका लागि विक्रम भुसालले ४९, राहुल कुमारले ४६, अनिल खरेलले नटआउट ३६ र सन्देश थापाले २१ रन बनाए । बलिङमा देवदहका विकाश श्रेष्ठले ३, अर्जुन रायमाझी र सन्दीप पाण्डेले २/२ तथा सुदिप जिसी र सुरज खड्काले समान १/१ विकेट लिए ।

प्रतिउत्तरमा देवदह २२.३ ओभरमा अलआउट हुँदै ७५ रनमै समेटियो । जसमा सुदीप जिसीले नटआउट १८ रन बनाए पनि अन्य ब्याट्सम्यानले दोहोरो अंक जोड्न सकेनन् । बलिङमा वेस्टर्नका अनिल खरेलले ६ ओभरमा २ मेर्डन राख्दै ९ रन खर्चेर ५ विकेट लिए । उनी म्यान अफ द म्याच समेत भए । यस्तै, एकेन्द्र कुमारले २ तथा सन्देश थापा, हरजित सिंह र राहुल कुमारले १/१ विकेट लिए । शुक्रबार डिभिजन ‘ए’ का तिरुपति क्रिकेट क्लब र तिलोत्तमा क्रिकेट क्लबबीच प्रतिस्पर्धा हुने आयोजक संस्था रुपन्देही क्रिकेट संघका अध्यक्ष प्रशान्तविक्रम मल्लले जनाकारी दिए ।

प्रकाशित : फाल्गुन २०, २०७७ १८:१८
पूरा पढ्नुहोस्
प्रतिक्रिया
पठाउनुहोस्
×