गैंडाकोटमा फाइनप्रिन्ट फिभर हुने- साहित्य/विविध - कान्तिपुर समाचार

गैंडाकोटमा फाइनप्रिन्ट फिभर हुने

कान्तिपुर संवाददाता

काठमाडौँ — पुस्तक प्रकाशन गृह फाइन प्रिन्टले नवलपुरको गैंडाकोटमा एक दिने घुम्ती साहित्यिक कार्यक्रम 'फाइनप्रिन्ट फिभर' गर्ने भएको छ । फागुन २८ र २९ मा हुने यो कार्यक्रममा यस वर्ष फाइनप्रिन्टबाट प्रकाशित पुस्तकका लेखकहरु सहभागी हुनेछन् । 

फाइनप्रिन्टले जारी गरेको प्रेस वक्तव्यका अनुसार यसमा देवेन्द्रराज पाण्डे, बाबुराम भट्टराई, रवीन्द्र मिश्र, मनिषा कोइराला, मुराहरि पराजुली, जीवा लामिछाने, असिम सागर, निरञ्जन कुँवर, राजीव उपाध्याय र सुरेश बडाल सहभागी हुनेछन् ।

कार्यक्रममा लेखकहरुले आफ्ना पुस्तक र लेखनबारे अनुभव बाँड्ने तथा पुस्तक हस्ताक्षर पनि हुने आयोजकले बताएको छ । यस्ता कार्यक्रमले लेखक र पाठकलाई नजिक ल्याउने र पुस्तक बजारलाई चलायमान बनाउन सहयोग पुग्ने पनि आयोजकले दावी गरेको छ ।

प्रकाशित : फाल्गुन २०, २०७७ १५:४७
प्रतिक्रिया
पठाउनुहोस्

गृहकार्यपछि मात्रै दाहाल–नेपाल समूह निर्वाचन आयोग जाने

कान्तिपुर संवाददाता

काठमाडौँ — नेकपा दाहाल–नेपाल समूह आवश्यक गृहकार्यपछि मात्रै निर्वाचन आयोग जाने भएको छ । पार्टीको आधिकारिकता दिन ढिलाइ गरेको सम्बन्धमा बिहीबार पार्टीका दुवै अध्यक्ष पुष्पकमल दाहाल र माधवकुमार नेपालसँग निर्वाचन कमिटीले छलफल गरेको र शुक्रबार पनि फेरि छलफल गरी निर्वाचन आयोगमा जाने/नजाने भन्ने सम्बन्धमा निर्णय भएको नेता राजेन्द्र पाण्डेले जानकारी दिए । उनका अनुसार दाहाल-नेपाल पक्षले पार्टीको आधिकारिताका लागि यसअघि नै निर्वाचन आयोगमा निवेदन दिइसकेकोले अब फेरि आयोगमा जाने/नजाने भन्ने विषयमा शुक्रबार बिहान हुने छलफलले तय गर्नेछ ।

यसअघि दाहाल-नेपाल समूहका कार्यालय सचिव श्रीराम ढकालले स्थायी कमिटी सदस्य लिलामणि पोखरेल, केन्द्रीय सदस्य राजेन्द्र पाण्डेलगायत नेता आयोग पुगेको जानकारी दिएका थिए ।

बुधबारको बैठकमा केन्द्रीय सदस्यहरुको हस्ताक्षर संकलन, नागरिकताको प्रतिलिपि र पार्टी परिचयपत्र समेत संकलन गरिएको थियो । बैठकले आयोगको कार्यशैलीप्रति आपत्ति जनाउँदै राज्यको कानुन, नेकपाको विधान, लोकतान्त्रिक प्रणाली र मान्यताबमोजिम तत्काल निष्पक्ष एवं न्यायसंगत निर्णय गर्नपर्ने ठहर गरेको थियो ।

यो समूहले गत माघ २० मा राजनीतिक दल सम्बन्धी ऐनको दफा ४३ र ४४ को प्रक्रियाअनुसार आधिकारिकता दाबी गर्दै आयोगमा निवेदन दिएको छ । तर आयोगले उक्त निवेदनमाथि के गर्ने भन्ने निर्णय गरेको छैन ।

यसअघि दाहाल-नेपाल समूहका नेता निर्वाचन आयोग पुगे भनि प्रकाशित भएकोमा सच्याइएको छ । - सम्पादक

प्रकाशित : फाल्गुन २०, २०७७ १५:२९
पूरा पढ्नुहोस्
प्रतिक्रिया
पठाउनुहोस्
×