‘उडियाना-उडिसाका पद्मसम्भव’ बजारमा- साहित्य/विविध - कान्तिपुर समाचार
कान्तिपुर वेबसाईट
AdvertisementAdvertisement

‘उडियाना-उडिसाका पद्मसम्भव’ बजारमा

कान्तिपुर संवाददाता

काठमाडौँ — बौद्ध धर्मको विकास र विस्तारमा पद्मसम्भव (गुरु रिम्पोचे) को विशेष योगदान छ । उनलाई तिब्बतमा बौद्ध धर्म विस्तार गर्ने श्रेय दिइन्छ । त्यसैगरी भारतको उडिसा बौद्ध संस्कृतिको ऐतिहासिक केन्द्र मानिन्छ । 

वी रिडले बौद्ध धर्म संस्कृतिका महत्वपूर्ण यी थलो र यी गुरुबारे जानकारी दिने पुस्तक ‘उडियानाका उडिसाका पद्मसम्भव’ बजारमा ल्याएको छ ।

डा. विमलेन्दु मोहन्तीद्वारा सम्पादित यो पुस्तकमा ऐतिहासिक खोज, तथ्य र पुरातात्विक अभिलेखहरुसमेतका आधारमा विभिन्न विद्वानहरुले लेखेका लेख समावेश छन् ।

नेपाल, भारत, तिब्बत, भुटानको सामाजिक जीवनमा बौद्धधर्मको खास प्रभाव भेटिन्छ ।

इशापूर्व २६१ मा भारतका सम्राट अशोकको पालामा बुद्ध धर्मले राजधर्मको मान्यता पायो । त्यसपछि बौद्ध धर्म संसारका विभिन्न भूगोलमा फैलियो । यसक्रममा बौद्ध धर्मका अनेक रुप र पद्दतिको विकास हुादै आयो । तीमध्ये महायान र बज्रयानको विकास उडिसाबाटै भएको मानिन्छ । आठौं शताब्दीपछिका बौद्ध धर्मका स्रोतहरु उडियाना र त्यहााका राजा इन्द्रभूतिसँग पनि जोडिन्छ ।

पुस्तकमा कमलको फूलबाट जन्मेको र तन्त्रका ज्ञाता मानिने पद्मसम्भवको तिब्बतसागको सम्बन्धबारे विशेष प्रकाश पारेको छ । पुस्तक बौद्ध धर्मका फरक चरण, फरक आयाम र यसको विस्तारमा पद्मसम्भवको भूमिकाबारे जान्न चाहनेका लागि उपयोगी छ ।

पद्मसम्भवले नेपाल भ्रमण गरेका तथ्यहरुबारे पनि धेरै चर्चा हुने गरेको छ । मुस्ताङदेखि फर्पिङसम्म पद्मसम्भवसँग जोडिएका गुम्बा र गुफा भेटिएका छन् । त्यसैले बौद्ध इतिहासको विकासक्रम बुझ्न चाहने नेपाली पाठकका लागि पुस्तक उपयोगी हुने प्रकाशकको दाबी रहेको छ ।

१६६ पृष्ठको यो पुस्तकको मूल्य आठ सय रुपैयाँ तोकिएको छ ।

प्रकाशित : माघ ५, २०७७ १३:४१
प्रतिक्रिया
पठाउनुहोस्

अस्ट्रेलियाले भारतलाई दियो ३२८ रनको लक्ष्य

एजेन्सी

ब्रिसवेन — भारतले अस्ट्रेलियाविरुद्धको चौथो तथा अन्तिम टेस्टमा ३ सय २८ रनको लक्ष्य पाएको छ । उक्त लक्ष्य पछ्याउने क्रममा टोलीले सोमबार विनाकुनै विकेट क्षति चार रन बनाएको छ । चौथो दिनको खेल समाप्त हुँदा रोहित शर्मा चार रन र शुभमन गिल शून्यमा छन् ।

वर्षाले चौथो दिनको खेल चाँडै टुंगिएको थियो । अब पाँचौं तथा अन्तिम दिन भारतले ३ सय २४ रन बनाउने प्रयास गर्नेछ भने अस्ट्रेलिया भारतका १० विकेट लिने रणनीतिमा हुनेछ । चार टेस्टको शृंखला १–१ को बराबरीमा रहेको स्थितिमा अस्ट्रेलियालाई जित अनिवार्य बनेको छ ।

बराबरीको स्थितिमा शृंखला भारतको नाममा हुनेछ । यसअघि अस्ट्रेलियाले आफ्नो इनिङ्समा २ सय ९४ रन बनाएको थियो । त्यसमा अघिल्लो दिन नटआउट ब्याट्सम्यान डेविड वार्नरले ४८ रन बनाए भने स्टिभ स्मिथले ५५ रन थपे ।

भारतीय बलरमध्ये मोहम्मद सिराज सर्वाधिक सफल रहे । उनले ७३ रन बनाएर पाँच विकेट लिए । यस्तै शार्दूल ठाकुरले ६१ रन दिएर चार विकेट लिए ।

प्रकाशित : माघ ५, २०७७ १३:१७
पूरा पढ्नुहोस्
प्रतिक्रिया
पठाउनुहोस्
×