युगान्त, मुसा मानुष र विमुक्ति सार्वजनिक- साहित्य/विविध - कान्तिपुर समाचार
कान्तिपुर वेबसाईट
AdvertisementAdvertisement

युगान्त, मुसा मानुष र विमुक्ति सार्वजनिक

कान्तिपुर संवाददाता

काठमाडौँ — पुस्तक प्रकाशक बुकहिलले एकसाथ तीनवटा अनुदित किताब बजारमा ल्याएको छ । प्रकाशनले जारी गरेको प्रेस विज्ञप्तिका अनुसार ‘युगान्त’, ‘मुसा मानुष’ र ‘विमुक्ति’ तीन पुस्तक सोमबार बजारमा आएका छन् । 

भारतीय लेखक मानवशास्त्री इरावती कर्वेको महाभारतमाथिको ओलाचनात्मक विश्लेषण ‘युगान्त ः महाभारतको महामृत्यु’ सुजित मैनालीले नेपालीमा अनुवाद गरेका हुन् । यो पुस्तकले १९६७ मा भारतको प्रतिष्ठित साहित्य एकेडेमी पुरस्कार पाएको थियो ।

साहित्यका नोबेल पुरस्कार विजेता जोन स्टेनबेकको प्रसिद्ध उपन्यास ‘अफ माइस एन्ड मेन’को गनेस पौडेलले नेपालीमा ‘मुसा मानुष’का रुपमा अनुवाद गरेका हुन् । यसको विशेषता पुस्तकको संवादलाई पश्चिमाञ्चल क्षेत्रको स्थानीय लवजमा प्रस्तुत गरिनु भएको पनि प्रकाशकले जनाएको छ ।

तेस्रो अनुवाद पुस्तक हो– ‘विमुक्ति’ । मल्ल के. सुन्दरद्वारा नेपाल भाषामा लिखित उपन्यास ‘व लापु ः थ्व पलाः’को नेपालीमा राजेन्द्र महर्जन र महेशराज महर्जनले अनुवाद गरेका हुन् । बौद्ध भिक्षुणी र छापामार युवतीको माध्यमबाट यस उपन्यासले दस वर्षे जनयुद्धको एउटा पाटोको मर्मान्त कथा प्रस्तुत गरेको विज्ञप्तिमा उल्लेख गरिएको छ । केहीअघिमात्रै बुकहिलले खगेन्द्र संग्रौलाद्वारा अनूदित गैर–आख्यान ‘सत्ता र सत्य’ सार्वजनिक गरेको थियो ।

'मुसा मानुष'काे अंश : टाप घोडा टाप

'युगान्त'को अंश : के युद्धको कारण साँच्चिकै द्रौपदी थिइन् ?

प्रकाशित : आश्विन २६, २०७७ १८:१६
प्रतिक्रिया
पठाउनुहोस्

६ महिनाअघि चीनले १२ नम्बर पिलर निर्माण गर्‍यो, पुराना स्तम्भका टुक्राहरु नजिकै भेटिए : कांग्रेस नेता शाही

छपाल लामा

हुम्ला — चीनले हुम्लासँग जोडिएको नेपाली भूमि मिचेको नेपाली कांग्रेसले आरोप लगाएको छ । कांग्रेस केन्द्रीय सदस्य एवं कर्णाली प्रदेशसभा प्रमुख प्रतिपक्षी दलका नेता जीवनबहादुर शाही नेतृत्वको टोलीले विवादित क्षेत्रको स्थलगत अनुगमन गरी प्रतिवेदन सार्वजनिक गरेको हो ।

नेपाल र चीन सीमाको स्थलगत अध्ययन गर्न शाही नेतृत्वको टोली नाम्खा गाउँपालिका–६ स्थित लिमी र लाप्चा पुगेको थियो । टोलीले लोलुगङजोग र लिमि–लाप्चाको सिमानामा चीन सरकारले ६ महिनाअघि नै १२ नम्बरको नयाँ पिलर निर्माण गरेको निष्कर्ष निकालेको छ ।

‘सरकारको बेवास्ताले नेपाली भूमि मिचियो,’ सोमबार पत्रकार सम्मेलनको आयोजना गर्दै शाहीले भने, ‘सीमास्तम्भमा कोरिएका देवनागरी लिपीका अक्षर फरकफरक छन्, स्तम्भ पुरानै आकारमा पनि भेटिएनन् ।’ पुराना स्तम्भका टुक्राहरु नयाँ स्तम्भ नजिकै भेटिएको उनको भनाइ छ ।

प्रतिपक्षी दलका नेता शाहीले नाम्खा गाउँपालिका–६ स्थित लिमी–लाप्चामा चीनले भवन निर्माण गरेको दाबी गरे । ‘चिनियाँहरु निर्वाध रुपमा नेपाली भूमिमा आइरहेका छन्,’ उनले भने, ‘तर, हुम्लाबासीलाई त्यता जान दिइएको छैन ।’ उनको यो प्रतिवेदन र भनाइमा सरकारको प्रतिक्रिया आउन बाँकी छ ।

प्रकाशित : आश्विन २६, २०७७ १७:५७
पूरा पढ्नुहोस्
प्रतिक्रिया
पठाउनुहोस्
×