कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १४२

अमेरिकी लेखक कोल्सन ह्‍वाइटहेडले फेरि पाए पुलित्जर पुरस्कार

एजेन्सी

न्युयोर्क — अमेरिकी लेखक कोल्सन ह्वाइटहेड उपन्यासका लागि दोस्रो पटक पुलित्जर पुरस्कार पाउने चौथो लेखक बनेका छन् । ह्वाइटहेडलाई ‘द निकेल ब्वाइज’ का लागि सन् २०२० को उपन्यास विधातर्फको पुलित्जर पुरस्कारले सम्मानित गरिएको हो ।

अमेरिकी लेखक कोल्सन ह्‍वाइटहेडले फेरि पाए पुलित्जर पुरस्कार

‘द निकेल ब्वाइज’ मा एक अफ्रिकी अमेरिकी बालकलाई फ्लोरिडाको बाल सुधार गृहमा गरिएको अत्याचार समेटिएको छ । ह्वाइहेडले फ्लोरिडाको डोजियर स्कुलमा बालबालिकामाथि गरिएको अत्याचारमा आधारित भएर उपन्यास लेखेका हुन् ।

ह्वाइटहेडले सन् २०१७ मा ‘द अन्डरग्राउन्ड रेलरोड’ उपन्यासका का लागि पुलित्जर पुरस्कार पाएका थिए । यसअघि बुथ टार्किन्टन, विलियम फकनर र जोन अप्डाइकले मात्र उपन्यास विधातर्फ पुलित्जर पुरस्कार पाएका थिए ।

कोरोना भाइरसको महामारीका कारण केही हप्तापछि धकेलिएको पुलित्जर पुरस्कार सोमबार घोषणा गरिएको हो ।

कोल्सन ह्वाइटहेडका ‘जोन हेनरी डेज’,‘द कोलोसस अफ् न्युयोर्क’, ‘एपेक्स हाइड्स द हर्ट’,‘द नोबल हसल’,‘साग हार्बर’ लगायतका पुस्तक प्रकाशित छन् ।

अमेरिकी प्रकाशक जोसेफ पुलित्जरले स्थापना गरेको पुलित्जर पुरस्कार सन् १९१७ बाट दिन थालिएको हो । पुलित्जर पुरस्कार विभिन्न २१ विधामा दिने गरिन्छ । प्रत्येक विजेतालाई १५ हजार अमेरिकी डलर प्रदान गरिन्छ । सार्वजनिक सेवातर्फका विजेतालाई स्वर्ण पदक पनि दिइन्छ ।

सम्बन्धित समाचार

कश्मीरी फोटोपत्रकारहरुलाई पुलित्जर पुरस्कार

प्रकाशित : वैशाख २३, २०७७ ११:०९
प्रतिक्रिया
पठाउनुहोस्
जनताको राय

पूर्वउपराष्ट्रपतिका छोरा तथा अखिल क्रान्तिकारीका महासचिव दिपेश पुनपछि सत्तारूढ माओवादीका उपाध्यक्ष तथा पूर्वसभामुख कृष्णबहादुर महरा सुन तस्करी अनुसन्धानमा पक्राउ परेका छन् । के सरकारले भ्रष्टाचारविरुद्ध शून्य सहनशीलता अपनाएकै हो त ?