रुइतलाई घिमिरे स्मृति

कान्तिपुर संवाददाता

रामेछाप — वरिष्ठ नेत्ररोग विषेशज्ञ डा. सन्दुक रुइत जगदीश घिमिरे स्मृति पुरस्कारबाट सम्मानित भएका छन् । स्वर्गीय जगदीश घिमिरेको जन्मथलो रामेछापको मन्थलीमा सोमबार आयोजित एक कार्यक्रममा डा. रुइतलाई उक्त पुरस्कार प्रदान गरिएको हो । 

ZenTravel

कार्यक्रममा मन्थली नगरपालिकाका प्रमुख रमेशकुमार बस्नेतले सम्मान पत्रसहित ५१ हजार रुपैयाँ राशिको पुरस्कार रुइतलाई हस्तान्तरण गरेका हुन् । जगदीश घिमिरे प्रतिष्ठानकी अध्यक्ष दुर्गा घिमिरेको अध्यक्षतामा भएको कार्यक्रममा पुरस्कार ग्रहण गर्दै रुइतले स्वर्गीय घिमिरेको अगुवाइमा तिलगंगा आँखा केन्द्रले फड्को मारेको स्मरण गरे । समाज सेवा, साहित्य र अन्य समसामयिक विषयमा स्वर्गीय घिमिरेको योजनाको रुइतले प्रशंसा गरे ।

Meroghar


स्वर्गीय घिमिरे तिलगंगा आँखा प्रतिष्ठानका संस्थापक अध्यक्ष थिए ।


प्रकाशित : पुस २९, २०७६ ०९:३७
प्रतिक्रिया
पठाउनुहोस्
ADVERTISEMENT
ADVERTISEMENT

डीबीको ‘नियत’

कान्तिपुर संवाददाता

काठमाडौँ — पत्रकार डीबी खड्काद्वारा लिखित पुस्तक ‘नियत’ सोमबार लोकार्पण गरिएको छ । अभिनेत्रीत्रय रेखा थापा, स्वस्तिमा खड्का र लक्ष्मी बर्देवाले संयुक्त रूपमा विमोचन गरेको उक्त पुस्तकले रंगीन दुनियाँ भनिने रंगमञ्चदेखि फिल्म क्षेत्रसम्म महिला कलाकारमाथि हुने यौनजन्य हिंसाका दृष्टान्त पस्केका छन् । 

‘मैले पुस्तकमार्फत रंगीन क्षेत्रका फोहोरी मान्छेका फोहोरी नियतको सिकार भएका केही महिला पात्रलाई समेट्न खोजेको हुँ,’ पुस्तकबारे लेखक खड्काले भने, ‘यी दृष्टान्त पात्रमाथि भन्दा पनि प्रवृत्तिमाथि लेखिएका हुन् । यसले पाठकमा एउटा बहस सृजना होस् भन्ने अभिप्राय हो ।’ झन्डै १२ वर्ष लामो रंग पत्रकारिताको अनुभवलाई खड्काले पुस्तकमा समेटेका हुन् । अखबारिय लेखनशैली रहेको ‘नियत’ मा २० उपशीर्षकसहितका महिला कलाकारमाथिका कथाव्यथाहरू समेटिएका छन् । पुस्तकमा उनले यौन शोषणदेखि दुर्व्यवहारमा परेका दुई/तीन महिला कलाकारका व्यथालाई आधार बनाएर आफ्ना धारणा पेस गरेका हुन् ।

पुस्तक विमोचनपछिको अन्तरक्रियात्मक कार्यक्रममा वक्ताका रूपमा रहेका अभिनेत्रीत्रयले पनि रंगीन दुनियाँमा महिलाप्रति केही पुरुषहरूले बदनियत राखेर व्यवहार गर्ने गरेको सुनाए । अभिनेत्री थापाले महिला कलाकारलाई सफलता चुम्नेभन्दा सुरक्षित हुने चिन्ताले सताउने गरेको जिकिर गर्दै भनिन्, ‘तर यौनहिंसा र दुर्व्यवहार केवल महिला कलाकारले मात्रै भोगेको छन् भन्न मिल्दैन । यहाँ थुप्रै पुरुष पनि त्यसको सिकार भइरहेका हुन्छन् । तर महिलाले जसरी बोल्न सक्दैनन् ।’ अभिनेत्री खड्काले आफ्नो छवि नै छुच्ची खालको देखिने भएकोले खराब नियत राख्न अहिलेसम्म कसैले आँट नगरेको दाबी गर्दै यस्तो प्रवृत्ति आफूले पनि सुनेको बताइन् ।

प्रकाशित : पुस २९, २०७६ ०९:३६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×