३०.१२°C काठमाडौं
हुलाक टिकटमा संगीतज्ञ
काठमाडौँ — हुलाक सेवा विभागले नेपाली संगीतका क्षेत्रमा अतुलनीय योगदान पुर्याउने संगीतज्ञ अम्बर गुरुङ र नरराज ढकालका नाममा हुलाक टिकट सार्वजनिक गरेको छ । विभागका महानिर्देशक देवीप्रसाद ज्ञवालीले आइतबार आयोजित एक समारोहमा गुरुङ र ढकालको मुखाकृति अंकित १० रुपैयाँ मूल्यको हुलाक टिकटमा प्रथम टाँचा लगाएका थिए ।
नेपाली आधुनिक संगीतका अभियन्ता एवं नेपालको राष्ट्रिय गानका संगीतकार गुरुङका २ सयभन्दा बढी गीत–संगीत प्रचलित छन् । त्यस्तै, शास्त्रीय संगीत विधामा संगीतज्ञ ढकालको नाम अग्रणी छ । विभागले व्यक्तित्व मालाका टिकटसँगै वनस्पति जगत्का केतुके, लोक्ता, अल्लो र जिब्रो छेड्ने जात्रा, बौद्ध तेमाल जात्रा, शंखेकीरा, भगवान् बुद्धको समेत हुलाक टिकट प्रकाशनमा ल्याएको छ ।
प्रकाशित : पुस १५, २०७६ ०८:४४प्रतिक्रिया
