हुलाक टिकटमा संगीतज्ञ

कान्तिपुर संवाददाता

काठमाडौँ — हुलाक सेवा विभागले नेपाली संगीतका क्षेत्रमा अतुलनीय योगदान पुर्‍याउने संगीतज्ञ अम्बर गुरुङ र नरराज ढकालका नाममा हुलाक टिकट सार्वजनिक गरेको छ । विभागका महानिर्देशक देवीप्रसाद ज्ञवालीले आइतबार आयोजित एक समारोहमा गुरुङ र ढकालको मुखाकृति अंकित १० रुपैयाँ मूल्यको हुलाक टिकटमा प्रथम टाँचा लगाएका थिए । 

ZenTravel

नेपाली आधुनिक संगीतका अभियन्ता एवं नेपालको राष्ट्रिय गानका संगीतकार गुरुङका २ सयभन्दा बढी गीत–संगीत प्रचलित छन् । त्यस्तै, शास्त्रीय संगीत विधामा संगीतज्ञ ढकालको नाम अग्रणी छ । विभागले व्यक्तित्व मालाका टिकटसँगै वनस्पति जगत्का केतुके, लोक्ता, अल्लो र जिब्रो छेड्ने जात्रा, बौद्ध तेमाल जात्रा, शंखेकीरा, भगवान् बुद्धको समेत हुलाक टिकट प्रकाशनमा ल्याएको छ ।

Meroghar

प्रकाशित : पुस १५, २०७६ ०८:४४
ADVERTISEMENT
प्रतिक्रिया
पठाउनुहोस्

दी एक्सको ‘तिमी नै भन’

कान्तिपुर संवाददाता

काठमाडौँ — लोकप्रिय ब्यान्ड ‘दी एक्स ब्यान्ड’ को गीत ‘तिमी नै भन...’ टुबोर्ग ओपन सेसन्स् सिजन २ मार्फत सार्वजनिक भएको छ । ब्यान्डले आफ्नो एल्बम ‘भडास’ बाट ‘तिमी नै भन...’ टुबोर्ग ओपन सेसन्स् २ को मञ्चमा प्रस्तुत गरेका हुन् । 

ब्यान्डमा भोकल्स र बेसगितारमा शिव मुखिया, ड्रम्समा सुरेन्द्र श्रेष्ठ तथा गितारमा सजल राजभण्डारी रहेका छन् । अल्टरनेटिभ फन्क रक ब्यान्ड दी एक्स विगत २५ वर्षदेखि नेपाली संगीत क्षेत्रमा सक्रिय छ ।

टुबोर्ग ओपन सेसन्स्को सिजन २ मा विभिन्न प्रतिष्ठित कलाकारले आफ्नो लोकप्रिय गीत भिन्न शैलीमा प्रस्तुत गरेका छन् । पहिलो सिजनमा ‘च्यानल आरबिट्ररी’ मार्फत युट्युबमा अपलोड गरिएको ५१ वटा बेजोड प्रस्तुतिहरूले १० मिलियनभन्दा बढी भ्युज संकलन गर्न सफल भएको थियो ।

च्यानल आरबिट्ररीद्वारा २०१८ मा सुरु गरिएको टुबोर्ग ओपन सेसन्स् एक युट्युब शृंखला हो ।






प्रकाशित : पुस १५, २०७६ ०८:४३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
×