सम्मानको रकम क्यान्सरपीडितलाई

बुङ्वाखा–पञ्चकुमारी संगीत पुरस्कारबाट भोजपुरकी संगीतकर्मी लीला राई ३५ हजार रुपैयाँसहित सम्मानित भइन् । बुङ्वाखा–रत्नमाया चेन्चेक्वा पुरस्कारबाट पत्रकार रिता राराहाङ राई र बुङवाखा–धनेन्द्र बादिहाङ स्मृति पुरस्कारबाट भक्तबहादुर रुछेन्बुङ राई सम्मानित भए । रितालाई ६ हजार र भक्तलाई ५ हजार रुपैयाँ प्रदान गरिएको हो ।

यसैगरी, कार्यक्रममा बान्तावा कविता प्रतियोगितामा भोजपुर, आमचोकका इमानसिंह राईको ‘आन खिम टेन’ अर्थात् ‘हाम्रो गाउँघर’ शीर्षक कविता पहिलो भयो । कवितामा आधुनिकताले गर्दा हराउँदै गएको बान्तावा राई समुदायको संस्कृति, परम्परा र गाउँघरको मौलिकताबारे उल्लेख गरिएको छ ।

भोजपुरकै प्रजितकला राईको कविता ‘बुङ्वा लाम’ अर्थात् ‘फुलको बाटो’ दोस्रो र त्रिलोक त्रिवेणी राईको ‘अङ्का छुन्ङ्गा’ अर्थात् ‘म मान्दिनँ’ शीर्षकको कविता तेस्रो भएको थियो । पहिलो, दोस्रो र तेस्रो हुने कविताले क्रमश: १५ हजार, १० हजार र ५ हजार रुपैयाँको बुङ्वाखा—श्यामराज दुब्देङहाङ स्मृति पुरस्कार प्राप्त गरे ।