कान्तिपुर वेबसाईट
AdvertisementAdvertisement

११ देशका भाषाशास्त्रीको जमघट

कान्तिपुर संवाददाता

काठमाडौँ — एघार देशका भाषाशास्त्री काठमाडौंमा भेला भएका छन् । 

भाषा विज्ञान समाज नेपालको ४० औं वार्षिक सम्मेलनमा त्रिभुवन विश्वविद्यालय परिसरमा भेला भएका उनीहरूले ४३ भाषाको संरक्षण र सम्बर्द्धनबारे बहस गर्नेछन् । विश्वविद्यालय अनुदान आयोगका अध्यक्ष भीमप्रसाद सुवेदीले नेपालका सबै भाषाहरू यकिन गर्न आगामी राष्ट्रिय जनगणनामा भाषाशास्त्रीले पहिल्याउन आवश्यक रहेको बताए । दुईदिने सम्मेलनमा ८२ वटा कार्यपत्र प्रस्तुत हुने समाजका अध्यक्ष भीमनारायण रेग्मीले जानकारी दिए ।


प्रकाशित : मंसिर ११, २०७६ ०८:०४
प्रतिक्रिया
पठाउनुहोस्

मतदान केन्द्रमा टोली

कान्तिपुर संवाददाता

भक्तपुर — भक्तपुरका २२ स्थानका ५४ वटै मतदान केन्द्रका निर्वाचन सामग्रीसहित मतदान अधिकृतको टोली खटिएको छ । यहाँ प्रदेशसभा सदस्यका लागि क्षेत्र नम्बर १ (क) मा उपनिर्वाचनका हुन लागेको हो ।

मतदान अधिकृतहरूलाई सुरक्षाकर्मीसहित मतदान केन्द्र पठाइएको प्रमुख जिल्ला अधिकारी नारायणप्रसाद भट्टले बताए । नियुक्तिपत्र, पेस्की रकम र मतपेटिकासँगै चाहिने ५४ प्रकारका सामग्री लिएर कर्मचारी केन्द्र खटिएका हुन् । मतपत्र बिहीबारसम्म मतदान केन्द्र पुर्‍याइसक्ने मुख्य निर्वाचन अधिकृतको कार्यालयले जनाएको छ । २ सय ७० कर्मचारी खटिएका छन् ।

केन्द्रमा कर्मचारीले बिहीबारबाट सम्बन्धित मतदान केन्द्रबाट फोटो सहितको मतदाता परिचयपत्र वितरण गर्ने छन् । उक्त क्षेत्रमा २३ हजार ८० महिला र २१ हजार ९ सय ३५ पुरुष गरी ४५ हजार १५ मतदाता छन् । प्रदेशसभा सदस्य हरिशरण लामिछानेको निधन भएपछि उपनिर्वाचन गर्न लागेको हो । मंसिर १४ गते बिहान ७ देखि साँझ ५ बजेसम्म मतदान प्रक्रिया हुने र मतदाता ५ बजेसम्म लाइनमा बसे समय थप गर्न सकिने जनाइएको छ ।

प्रकाशित : मंसिर ११, २०७६ ०८:०३
पूरा पढ्नुहोस्
प्रतिक्रिया
पठाउनुहोस्
×