घिमिरे र भण्डारीलाई दधिराज
विराटनगर — दधिराज सुवेदी पुरस्कार प्रतिष्ठान विराटनगरले कवि विष्णुविभु घिमिरे र पत्रकार मोहन भण्डारीलाई पुरस्कृत गर्ने भएको छ । ५१ हजार रुपैयाँको दधिराज सुवेदी राष्ट्रिय भाषा साहित्य पुरस्कार २०७६ चार दशकभन्दा बढी समयदेखि नेपाली भाषा साहित्यको कविता विधामा दिएको योगदानका लागि कवि घिमिरेलाई पुरस्कृत गर्ने निर्णय गरेको प्रतिष्ठानका महासचिव दिङ्लाली कान्छोले बताए ।