प्रतीकको भाषाकृति

कान्तिपुर संवाददाता

काठमाडौँ — लेखक प्रतीक ङेसुर तामाङले भाषा र लिपिसम्बन्धी कृति लेखेका छन् । सोमबार राजधानीमा पूर्वमन्त्री शेरबहादुर तामाङले ‘तामाङ भाषा र लिपि’ पुस्तक लोकार्पण गरे । ‘तामाङ भाषा लेख्य स्वरूप छैन, बोलेको भरमा मात्र पुस्तान्तरण हुँदै आएको छ,’ उनले भने, ‘पछिल्लो पिँढीले मातृभाषा बोल्न सिकेका छैनन् । यस्तो अवस्थामा प्रतीकको कृतिले महत्त्वपूर्ण अर्थ राख्छ ।’ 

तामयिग लिपि कि सम्भोटा भन्नेबारे तामाङ समुदायमा विवाद रहेको औंल्याउँदै व्यापक छलफलसहित सहमति जुटाउनुपर्छ भन्ने निष्कर्षमा आफूले पुस्तक तयार पारेको लेखक तामाङले जनाए । पुस्तकमा तामाङ भाषा, लिपिको अवधारणा र विकास, अुछेन लिपि, थोन्मी सम्भोटाको परिचय, लेख्य परम्परा, तामयिगको अवधारणा, तिब्बती भाषामा प्रयोग भएका जान्नुपर्ने केही व्याकरणलगायतका सन्दर्भहरू छन् । पुस्तकमाथि नेपाल तामाङ घेदुङका महासचिव बाबु घिसिङ, अन्वेषक एवं संस्कृतिविद् रवीन्द्र ग्याबक तामाङलगायतले चर्चा गरे ।

प्रकाशित : कार्तिक १९, २०७६ ०८:४०
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

मंकी टेम्पलको ‘हराउन चाहन्छु’

कान्तिपुर संवाददाता

काठमाडौँ — रक ब्यान्ड ‘मंकी टेम्पल’ को गीत ‘हराउन चाहन्छु...’ टुबोर्ग ओपन सेसन्स् २ मा प्रत्यक्ष रेकर्ड गरी सार्वजनिक भएको छ । च्यानल आरबिट्ररीको उक्त युट्युब शृंखलामा विभिन्न कलाकारका प्रस्तुति रहँदै आएको छ । 

मंकी टेम्पलको चौथो स्टुडियो एल्बम ‘अजम्बरी’ को तेस्रो गीत ‘हराउन चाहन्छु...’ अमेरिकी ब्यान्ड ‘क्यान्डल बक्स’ का पिटर क्लेटले रिमिक्स तथा रि–मास्टर गरेका हुन् भने गितारिस्ट दिपेश श्रेष्ठले संगीत भरेका हुन् । मंकी टेम्पलको नियमित सांगीतिक विधाभन्दा ‘हराउन चाहन्छु’ केही फरक आर एन्ड बी शैलीको रहेको छ । मंकी टेम्पल देशकै पहिलो अल्टरनेटिभ रक ब्यान्डहरूमध्ये एक हो ।

ब्यान्डमा भोकल्स तथा रिदम गीतारमा सरिन देउजा, लिड गितारमा दिपेश श्रेष्ठ, बेस गितारमा जेनिस महर्जन र ड्रम्समा प्रताप रिसाल रहेका छन् ।

प्रकाशित : कार्तिक १९, २०७६ ०८:३९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×