जुम्लाका स्रष्टालाई योगेश्वर र ग्रेगोरी

मोफसलमा रहेर पनि नेपाली भाषा र साहित्यमा योगदान पुर्‍याएबापत् देवकोटा पुरस्कृत हुन लागेको योगेश्वर स्मृति प्रतिष्ठानले जनाएको छ ।

त्यस्तै, नेपाली कलासंस्कृतिप्रेमी प्राडा. ग्रेगरी जी मस्कारिनेकद्वारा स्थापित ‘ग्रेगरी कलासंस्कृति पुरस्कार’ बाट यस वर्ष जुम्लाकै कलासंस्कृतिका साधक स्रष्टा खडानन्द चौलागाईं पुरस्कृत हुने भएका छन् । पुरस्कारमा २० हजार रुपैयाँ र सम्मान पत्र रहेको छ । दुवै पुरस्कार पुरस्कार भने नेपाली कलासाहित्यडटकम प्रतिष्ठानमार्फत् दिइँदै आएको छ ।

दुवै पुरस्कार मोफसलका स्रष्टालाई प्रेरणा प्रदान गर्ने उद्देश्यले स्थापना गरिएको प्रतिष्ठानका अध्यक्ष मोमिला जोशीले बताइन् । ‘मेरो राष्ट्र मेरो ध्येय’ सन्देशका साथ प्रतिष्ठान र खस साहित्य समाजले यही कात्तिक २ गतेदेखि जुम्लामा गर्न लागेको ‘प्रकृति सिर्जना उत्सव’ मा पुरस्कार वितरण गरिने पनि उनले बताइन् ।

यसअघि योगेश्वर वाङ्मय पुरस्कारबाट डा. कृष्णराज डीसी, अमर गिरी, कृष्णभूषण बल, उषा शेरचन, वनमाली निराकार, मुकुन्द प्रयास, दिलीप शाह, कृष्णराज ओलिया र पद्मराज जोशीलाई प्रदान गरिसकिएको छ भने ग्रेगरी कलासंस्कृति पुरस्कारबाट शेरबहादुर अधिकारी र पूर्ण समीर महतारा सम्मानित भइसकेका छन् ।