लम्सालको ‘हजुरआमाका कथा’
काठमाडौँ — लामो समयदेखि लेखनमा सक्रिय अमृता लम्सालको कथासंग्रह ‘हजुरआमाका कथा’ शनिबार सार्वजनिक भएको छ । ९६ वर्षे हजुरआमा कृष्णकुमारी घिमिरेको जन्मदिनको अवसर पारेर उनले पुस्तक ल्याएकी हुन् । कथासंग्रहमा वरिष्ठ संगीतकार शान्ति ठटाल, इन्द्रमाया पौडेल, तुला राणालगायत २३ जना हजुरआमाका अनुभव र सुम्निमा राई जस्ता नातिनी पुस्ताका भोगाइ समेटिएका छन् ।
लोकार्पणकै क्रममा लम्सालले कथाहरू संग्रह गर्दै जाँदा विभिन्न हजुरआमासँग साटेको अनुभव सुनाइन् । ‘यो पुस्तक नयाँ पुस्तालाई पुराना संस्कृति, इतिहास थाहा पाउन उपयोगी हुने छ,’ उनले भनिन् । डम्बर चेम्जोङले हजुरआमाका कथाले नारी चेत, लैंगिक समानतालगायत विषय उठान गरेको बताए ।
प्रतिक्रिया