डा. रुइतलाई राष्ट्रिय प्रतिभा पुरस्कार
काठमाडौँ — सरकारले डा. सन्दुक रुइतलाई ‘प्रधानमन्त्री राष्ट्रिय प्रतिभा पुरस्कार’ प्रदान गर्ने भएको छ । मन्त्रिपरिषद्ले मंगलबार आँखा उपचारमा अतुलनीय योगदान गरेका रुइतलाई उक्त पुरस्कार प्रदान गर्ने
निर्णय गरेको हो । पुरस्कारको राशि ५ लाख रुपैयाँ छ ।
यसैगरी ‘राष्ट्रिय प्रतिभा अनुदान सहयोग’ रदी मियाँ र विकल्प ढुंगानालाई प्रदान गरिने भएको छ । उनीहरूलाई जनही २ लाख ५० हजार रुपैयाँ प्रदान गर्न लागिएको सरकारका प्रवक्ता सञ्चारमन्त्री गोकुल बाँस्कोटाले जानकारी दिए ।
प्रकाशित : आश्विन ३, २०७६ ०७:३६