‘ती दिनहरु’ विमोचित

कान्तिपुर संवाददाता

ललितपुर — झण्डै ८० वर्ष अघिको पूर्वी पहाडी समाज र जनजीवनको झल्को उत्रने गरी भीमप्रसाद गुरागाईले लेखेको संस्मरणात्मक कृति ‘ती दिनहरु’ बजारमा आएको छ । शुक्रबार लतिपुरमा आयोजित एक समारोहबीच पाका पत्रकार भैरव रिसालले कृतिको विमोचन गरे ।

बुवाको मुख हेर्ने साइतमा बिमोचित कृतिका बारेमा बोल्दै पत्रकार रिसालले ‘भोजपुरतिरको सहअस्तित्व र समावेशीपना भरिएको तत्कालिन समाजका बारे’ गुरागाईको कृतिमा खुराक भेटिने बताए। ‘बूढा भएका बाआमालाई मीठाइ होइन, बरु हटवाटर–ब्याग र तातो कम्बल दिनुको धेरै अर्थ रहन्छ,’ उमेरमा ९२ कटिसकेका पत्रकार रिसालले ८८ वर्षीय लेखक गुरागाईतिर हेर्दै भने।

भोजपुरपछि मोरङ झरेर बस्दै आएका गुरागाईलाई २०५८ सालमा मस्तिष्कश्राव भएपछि काठमाडौं मोडेल अस्पतालका चिकित्सक वसन्त पन्तले अपरेसन गरेर पुर्नजीवन पाएका लेखकले आफूले पाएको दोस्रो जन्ममा पनि लेखेरै कृतज्ञता जनाएका छन्। समारोहमा सहभागी डा.पन्तले ‘यसरी आफ्ना बाआमाका अनुभवलाई किताब रुपमा ल्याउनु आफैंमा सहृानीय काम’ भनी मन्तव्य राखे।

लेखक एवं चिकित्सक डा.सरोज धितालले गुरागाईको कृतिमा ८० वर्षयताको नेपाली समाजको एक हिस्सा उल्लेख भएको भन्दै यो कृति समाजशाश्त्र र मानवशास्त्रका विद्यार्थीलाई पनि उपयोगी हुने बताए। कृतिमा पुरातन नेपाली समाजमा महिलाको स्थितिका बारेमा पर्याप्त जानकारी रहे पनि त्यसबेलाको वर्ग व्यवस्था र शोषणको चित्र समेटिन नसकेको टिप्पणी उनले गरे।

लेखक नारायण ढकालले त्यसबेलाको समाजमा ब्राम्हण जातीको अवस्था र इतिहासबारेमा किताब बढी खुलेको धारणा राखेका थिए। लेखक गुरागाईले पुस्तक लेख्ने अथवा पुराना दिन सम्झनेमा आफूलाई त्यति रुचि नभए पनि छोराहरुको जोडबलले पुस्तक तयार भएको बताए।

‘भोजपुरतिरको डााडाकााडामा उकालीओराली गर्दा र पछि आसामतिर बरालिँदाको स्मृतिलाई पुस्तकमा समेटिएको छ,’ गुरागाईले भने। लेखकका छोरा एवं उज्यालो नेटवर्कका अध्यक्ष गोपाल गुरागाईले ‘बुबाले भागेका र देखेका कुराहरुलाई पुस्तकको आकारमा उतारिएको’ बताए। संस्मरणात्मक कृति ‘ती दिनहरु’ बुलबुल पब्लिकेसनले प्रकाशित गरेको हो।

प्रकाशित : भाद्र १४, २०७६ १८:०४
प्रतिक्रिया
पठाउनुहोस्

साताका उत्कृष्ट ७ तस्बिर

कान्तिपुर संवाददाता

काठमाडौँ — चक्रपथ विस्तारका क्रममा रुख काटिने भएपछि सरोकारवालहरुले विरोध जनाइरहेका छन् । यो साता कान्तिपुर डटकममा चक्रपथ विस्तारका क्रममा रुख काटिने भएपछि सरोकारवाहरुले जथाभावी रुख नकाट्न माग गर्दै रुखमा अंगालो हालेको तस्बिर प्राथमिकताका साथ छापियो । पुन:निर्माण र पैदल यात्रीले जोखिम मोलेर बाटो काट्दै गरेको तस्बिरले पनि प्राथमिकता पाए । त्यस्तै फलामे फड्केबाट नख्खु खोला तर्दै गरेका बालबालिकाहरु,पन्जरा पर्व,बाग्मती पुलमुनी फसेको गाडीबाट निस्कन प्रयास गर्दै रहेका गाडी चालक लगायतका तस्बिरहरु पनि छापिएका थिए ।

फलामे फड्केबाट नख्खु खोला तर्दै बालबालिका । तस्बिर : अनिश रेग्मी

चक्रपथको कलंकी बालाजु महाराजगन्ज सडक खण्ड विस्तारका क्रममा रुखहरु नकाट्न माग राख्दै गरिएको कार्यक्रमङ्गँ रुखलाई अङालो हाल्दै । तस्बिर : सन्जोग मानन्धर

काठमाडौंको सामाखुसीमा अवस्थित घरको भित्तामा राहेको हनुमानको मूर्ति भत्काउँदै कामदार । घर पुरानो भएको र नयाँ बनाउनको लागि भात्काईएको हो । तस्बिर : कबिन अधिकारी

रानीपोखरीबीचको बालगोपालेश्वोर मन्दिर भत्काउँदै कामदार । भुईँचालोले भत्काएको गुम्बज शैलीको मन्दिर विज्ञको सुझावमा जगैदेखि भत्काई ग्रन्थकुट शैलिमा बनाइने भएको छ। तस्बिर : केशव थापा

राजधानीको कोटेश्वरस्थित आकाशे पुल मुनिबाट जोखिम मोलेर बाटो काट्दै पैदाल यात्री । तस्बिर : इलिट जोशी

पन्जरा पर्वको अवसरमा सहभागी हुँदै भक्तपुरका बौद्ध धर्मवालम्बी नेवार समुदाय । प्रत्येक वर्ष भाद्र कृष्ण त्रयोदशीको दिन बौद्ध धर्मावलम्बी नेवार समुदायले पन्जरा पर्व मनाउँछन् । अन्न,गेडागुडी फलफूल सख्खर पानी (सर्वत) र औषधिको दान गरिन्छ । यस दिन भक्तपुरका विभिन्न पाँच टोलमा रहेका दिपंकर बुद्धको नगर परिक्रमा गराएर र दान दिएर पन्जरा पर्व मनाइन्छ । तस्बिर : अंगद ढकाल

सानेपास्थित बाग्मती पुल मुनि जमेको पानीमा फसको गाडीबाट निस्कन प्रयास गर्दै गाडीका चालक लगायत । तस्बिर : हेमन्त श्रेष्ठ


प्रकाशित : भाद्र १४, २०७६ १७:३७
पूरा पढ्नुहोस्
प्रतिक्रिया
पठाउनुहोस्