मुक्तकसँगै दहि चिउरा 

कान्तिपुर संवाददाता

काठमाडौँ — असार महिनासित लोक साहित्यसित पनि साइनो छ । काँठका किसानहरू असारे भाका गाउँदै रोपाइँमा व्यस्त भइरहेको बेला सहरका श्रष्टाहरूले भने गजल सुनाउँदै दही–चिउरा खाए ।

नेपाल मुक्तक प्रतिष्ठानले नियमित मुक्तकवाचनको १७ औं शृंखलालाई असार १५ को सन्दर्भ पारेको हो।

अनामनगरस्थित मिडिया इन्टरनेसनलमा सम्पन्न कार्यक्रममा श्रष्टाहरू जैनेन्द्र जीवन, रामकाजी कोने, चित्रकार किरण मानन्धर, राधेश्याम लेकाली, वियोगी बुढाथोकीलगायतले ‘असार १५’ को महत्त्व र लोकसाहित्यको महत्त्व प्रकाश पारे।

‘एक प्रकारले असार १५ लोक उत्सव हो,’ प्रतिष्ठानका अध्यक्ष कोनेले भने, ‘गजल साहित्य मार्फत यसलाई प्रवर्द्धन गर्न खोजेका हौं।’ दही–चिउरा खाँदै गजल सुनाउनेहरूमा रमेश पौडेल, उदास कार्की, एलिसा एकलास, किरण दर्पण, भगवती बस्नेत, पारू स्मृति, प्रकाश बस्नेत गफाडी, प्रकाश घायल, सन्तोष अम्गाई, सुनील अधिकारी, रवीन्द्र आशिष शैली, शिवराम खडका, निर्मल रमण पराजुली, चापाहाङ चेमेजोङ, लव गाउँले, बादल घिमिरेलगायत थिए।

प्रकाशित : असार १६, २०७६ २१:३४
ADVERTISEMENT
प्रतिक्रिया
पठाउनुहोस्
ADVERTISEMENT

भिराडिलमा सुनिए सायमी 

कान्तिपुर संवाददाता

काठमाडौँ — व्यस्त कलंकीबाट अलि पर पर्छ तीन थाना । यही छेउ छ भीरजस्तो गल्छेडो र अग्लो झोलुंगे पुल । नामै भिराडिल पाएको यही थलोमा असारे भाका घन्कियो । चन्द्रागिरी साहित्य सरोवरको १० औं शृंखलामा कवि स्नेह सायमीको एकल कवितावाचन भइरहँदा स्थानीय प्रतिभाहरूले असारे भाका गाए ।

मथुरा राउत, सानी लामा, शोभा लामा, मथुरा कार्कीलगायतले हालेको भाकासँगै सायमीले १४ वटा आफ्ना सिर्जना सुनाए ।

पुलमुनिकै भिराडिल साकुरा पार्कमा आयोजित ‘स्नेह काव्य सरोवर’ मा उनले राजनीतिक सामाजिक विसंगतिदेखि समकालीन समय चेत झल्किने कविताहरू सुनाए । साथमा नरनाथ लुइँटेल, बालचन्द्र मिश्रलगायतले असारे भाका गाए, शंकर आचार्यले हास्यव्यंग्य पस्के ।

दही–चिउरा खान सहरबाट रंगकर्मी केदार श्रेष्ठ, श्र्रष्टाहरू लक्ष्मी माली, राजेन्द्र शलभ, विश्वविमोहन श्रेष्ठ, किशोर पहाडी, भीष्म उप्रेती, मातृका पोखरेललगायत पनि पुगेका थिए ।

प्रकाशित : असार १६, २०७६ २१:३२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT