कान्तिपुरकर्मी पुरस्कृत

कान्तिपुर संवाददाता

काठमाडौँ — कान्तिपुरकर्मी माधव अर्याल 'संरक्षण पुरस्कार २०१९' बाट पुरस्कृत भएका छन् । विश्व वन्यजन्तु कोष (डब्लुडब्लुएफ) नेपालको २६ औं वाषिर्कोत्सवका अवसरमा आइतबार काठमाडौंमा आयोजित कार्यक्रममा कान्तिपुरकर्मी अर्याललाई उक्त पुरस्कार प्रदान गरिएको हो ।

यो पुरस्कार वन, वातावरण तथा जैविक विविधताको क्षेत्रमा पत्रकारिताबाट उल्लेख्य योगदान पुर्‍याउनेलाई दिने गरिन्छ । पत्रकार अर्याललाई राष्ट्रिय योजना आयोगका सदस्य कृष्णप्रसाद ओली, डब्लुडब्लुएफ नेपालका राष्ट्रिय प्रतिनिधि डा. घनश्याम गुरुङले नगद, सम्मानपत्र प्रदान गरे । पुरस्कारको राशि ५० हजार रुपैयाँ नगद र सम्मान पत्र रहेको छ ।

पुरस्कृत भएका पत्रकार अर्याल दुई दशकभन्दा बढी समयदेखि पाल्पामा रहेर पत्रकारिता गर्दै आएका छन् ।

सोही कार्यक्रममा गोरखा छेकम्पारका निमा लामा, ३० वर्षदेखि संरक्षणका लागि खटिएका दाङका उमाकान्त पन्त, महोत्तरीको सामुदायिक विकास तथा पैरवी मञ्च नेपाल, काठमाडौंको रानीवारी सामुदायिक वनलाई पनि पुरस्कृत गरियो । व्यक्तिगत पुरस्कार ५० हजार रहेको छ भने संस्थागत १ लाख नगदका साथै सम्मानपत्र छ ।


प्रकाशित : जेष्ठ ५, २०७६ १७:०८
प्रतिक्रिया
पठाउनुहोस्

प्रहरी जवानद्वारा युवती बलात्कृत 

नवीन पौडेल

परासी — किशोरी बलात्कारको आरोपमा पश्चिम नवलपरासी दंगा नियन्त्रण गण सुनवलका दुई जना प्रहरी जवानलाई जिल्ला प्रहरी कार्यालयले नियन्त्रणमा लिएको छ । बैशाख १ गते घाँस काट्न जंगल आएका दुई युवतीहरूलाई प्रहरी जवानहरूले बलात्कार गरेको आरोप लागेको छ ।

प्रहरी जवानद्वय मास्माण्डु गाउँपालिका-८ डडेलधुराका २५ वर्षीय प्रेम खड्का र गडवा गाउँपालिका-४ दाङ का २३ वर्षीय पाटेश्वर यादव रहेका छन् ।

घटना घटेकेा एक महिनापछि मात्र पीडित युवतीहरूले प्रहरी समक्ष प्रहरीले नै आफूहरूलाई बलात्कार गरेको उजुरी हालेको जिल्ला प्रहरी कार्यालय नवलपरासीका प्रवक्ता डिएसपी वीरेन्द्र थापाले बताए । पीडित युवतीहरूको उमेर १७ र २६ वर्ष रहेको प्रहरीले जनाएको छ ।

प्रहरी जवानहरूलाई निलम्बन गरी अनुसन्धान प्रक्रिया अघि बढाइएको प्रहरीले जनाएको छ ।

प्रकाशित : जेष्ठ ५, २०७६ १७:०४
पूरा पढ्नुहोस्
प्रतिक्रिया
पठाउनुहोस्