पारिजात स्मृति केन्द्रद्वारा सम्मान घोषणा, पारिजातको प्रतिमामा मार्ल्यापण

कान्तिपुर संवाददाता

काठमाडौँ — पारिजात स्मृति केन्द्रले बिहीबार यस वर्षका विभिन्न सम्मान घोषणा गरेको छ । केन्द्रले 'पारिजात सिर्जन सम्मान' आनन्ददेव भट्टलाई, 'पारिजात संघर्षशील नारी सम्मान' सरिता डंगोललाई, 'पारिजात कला सम्मान' रामकृष्ण दुवाललाई तथा 'पारिजात बालसाहित्य सम्मान' खगेन्द्र संग्रौलालाई प्रदान गर्ने निर्णय गरेको हो । 

त्यस्तै, पारिजातको लेखन र जीवनका विषयमा विद्यावारिधि गर्ने कृष्णप्रसाद घिमिरे, चन्द्रमान श्रेष्ठ, नयना प्रधान, बद्रीविशाल पोखरेल, भवानीप्रसाद पाण्डे, हरिहर भण्डारी र सिर्जना शर्मालाई पारिजात सम्मान प्रदान गर्ने निर्णय गरेको केन्द्रका सदस्यसचिव स्नेह सायमीले जनाए ।

२६ औं स्मृति दिवसको अवसरमा बिहीबार राजधानीको म्हेपीमा आयोजित पारिजातको प्रतिमा माल्यार्पण समारोहमा सम्मान घोषणा गरिएको हो । समारोहमा नेपाल प्रज्ञा प्रतिष्ठानका कुलपति गंगाप्रसाद उप्रेती, नेपाल ललितकला प्रज्ञा प्रतिष्ठानका कुलपति केके कर्माचार्य, संगीत नाट्य प्रज्ञा प्रतिष्ठानका कुलपति रायनलगातयले पारिजातको साहित्यिका योगदानबारे प्रकाश पारे ।

प्रकाशित : वैशाख ६, २०७६ १६:०८
प्रतिक्रिया
पठाउनुहोस्

स्रष्टा सम्मानको रजत वर्ष 

कान्तिपुर संवाददाता

काठमाडौँ — लूनकरणदास-गङ्गादेवी चोधरी साहित्यकला मन्दिरले स्रष्टा सम्मानको रजत वर्ष मनाउने निर्णयसहित यस वर्षको सम्मानहरु घोषणा गरेको छ । 

आख्यानकार पद्मावती सिंहलाई गङ्गादेवी चौधरी स्मृति सम्मान, साहित्यिक इतिहास अनुसन्धाता मोदनाथ प्रश्रितलाई इतिहासशिरोमणि बाबुराम आचार्य शोधसम्मान, साहित्यिक पत्रकार अच्युतरमण अधिकारीलाई सरस्वती सम्मान, संगीतका साधक गणेश रसिकलाई नारायणगोपाल संगीत सम्मान, चित्रकार किरण मानन्धरलाई अरनिको ललितकला सम्मान दिने विज्ञप्तिमा जनाइएको छ ।
त्यस्तै रंगकर्मी एवं अभिनेत्री भुवन थापा चन्दलाई बालकृष्ण सम रंग सम्मान, कवि दिनेश अधिकारीलाई गोपालप्रसाद रिमाल काव्यसम्मान र फरक क्षमता भएकी सृष्टि केसीलाई नेपाल नवप्रतिभा सम्मान दिने निर्णय गरेको छ । सम्मानहरुमध्ये गंगादेवी चौधरी स्मृति सम्मानका लागि १ लाख १ रुपैयाँ र अन्य सम्मानका लागि जनही ५१ हजार रुपैयाँ रहेको छ । गोपालप्रसाद रिमाल काव्य सम्मान यस वर्षदेखि थपिएको हो । सम्मानहरु यही वैशाख २७ गते वितरण गरिने छ ।


प्रकाशित : वैशाख ६, २०७६ १६:०२
पूरा पढ्नुहोस्
प्रतिक्रिया
पठाउनुहोस्