भीम विराग प्रतिष्ठानद्वारा पुरस्कार

प्रतिष्ठानले २५ हजार रुपैयाँसहितको हर्षनर बज्राचार्य स्मृति पुरस्कार नाटयकर्मी कुमार शाहलाई र २० हजार राशिको विजय बानियाँ स्मृति लोक संगीत पुरस्कार लोकगायिका कोमल वलीलाई प्रदान गर्‍यो ।

यसै गरी, मुक्ति गोविन्द वैद्यले स्थापना गरेको १० हजार रुपैयाँसहितको तुलसीमाया शिवकुमारी सृजनशील नारी पुरस्कार अनिता न्यौपानेलाई र ७ हजार ५ सय रुपैयाँ रहेको भीम–मथुरा बाल प्रतिभा पुरस्कार बाल गायक चिराग डंगोल दिइयो । १५ हजार रुपैयाँ रहेको शिला नारी संगीत पुरस्कार गायिका विद्या तिवारी प्रदान गरियो । ११ हजार १ सय ११ रुपैयाँको चिनुकुमारी लामा स्मृति साहित्य पुरस्कार कवि निमेष निखिललाई दिइयो । स्वास्थ्य क्षेत्रमा सक्रिय स्वयंसेवी चम्पा कोजूलाई १० हजार नगद राशिको मंगलादेवी श्रेष्ठ स्मृति स्वास्थ्य पुरस्कार प्रदान गरियो ।