कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

नेपाल–भारतका पाँच स्रष्टालाई नइ

काठमाडौं — मुलुक भित्र र बाहिरका गरी पाँच स्रष्टालाई नइ प्रकाशनले यस वर्षको विभिन्न पुरस्कार दिने घोषणा गरेको छ । यीमध्ये पाँच दशकदेखि नेपाली भाषा साहित्यको सेवा गरेबापत् भारतका नेपाली साहित्यकार विन्द्या सुब्बालाई दुई लाख रुपैयाँसहितको नइ–देरुनीख अन्तर्राष्ट्रिय पुरस्कार दिन लागिएको विज्ञप्तिमा जनाइएको छ ।

नेपाल–भारतका पाँच स्रष्टालाई नइ

यो पुरस्कार नेपाली–गोर्खाली मूलका विदेशी नागरिकलाई प्रदान गरिँदै आएको छ । 

नेपाली भाषा साहित्यमा ६ दशकअघिदेखि समर्पित रहँदै पृथ्वीनारायण शाहको नेपाल एकीकरणबारेको महत्ता प्रवद्र्धनसँगै संस्कृति, चित्रकला र आयुर्वेदका क्षेत्रमा समेत योगदान पुर्‍याएबापत् साहित्यकार एवं संस्कृतिविद् डा.मोदनाथ प्रश्रितलाई एक लाख रुपैयाँको ‘नइ खरा सुकीर्ति पुरस्कार, साढे ६ दशकदेखि नेपाली नारी जागरणका लागि निरन्तर संघर्षरत रहँदै नेपाली भाषा साहित्यको सृजनामा समेत योगदान पुर्‍याएबापत् शान्ता श्रेष्ठलाई ५० हजार रुपैयाँको ‘नइ खरा प्रदीप्ति पुरस्कार’ दिने पनि नइले जनाएको छ । त्यस्तै नेपाली तथा मैथिली भाषा साहित्य तथा पत्रकारिताका क्षेत्रमा समर्पित रहँदै मैथिली संगीत र फिल्मको विकासमा समेत क्रियाशील धीरेन्द्र प्रेमर्षिलाई २५ हजार रुपैयाँको ‘नइ खरा गौरव पुरस्कार’ र समाज सेवा, रंगमञ्च एवं लेखन क्षेत्रमा सक्रिय प्रतिभा नानी थापालाई १५ हजार रुपैयाँको ‘नइ खरा पौरख पुरस्कार’ दिने बताइएको छ ।

प्रकाशनका अध्यक्ष इन्दिरा प्रसाईंको सभापतित्वमा बसेको प्रकाशनको विशेष बैठकले पुरस्कारसम्बन्धी निर्णय गरेको हो । घोषित पुरस्कारहरू राजधानीमा छिट्टै वितरण गरिने सदस्यसचिव नरेन्द्रराज प्रसाईंले जनाए ।

प्रकाशित : चैत्र १७, २०७३ ०९:१०
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?