स्मृति परिषद्‌मा नयाँ

कान्तिपुर संवाददाता

काठमाडौं — वासु शशी स्मृति परिषद्‌मा वरिष्ठ साहित्यकार/संगीतकार गणेश रसिकको अध्यक्षतामा नयाँ कार्य समिति आएको छ । उपाध्यक्षमा हिरण्यकुमारी पाठक, सचिवमा प्रद्युम्न जोशी, कोषाध्यक्षमा श्याम प्रधान छन् भने सदस्यहरूमा ध्रुव मधिकर्मी, रमेश रेग्मी र नीना जोशी छन् ।

परिषद् सल्लाहकारमा वरिष्ठ कवि कालीप्रसाद रिजाल, साहित्यकार डा. कुमारबहादुर जोशी, गायक योगेश वैद्य तथा संरक्षकमा श्रीमती जुलुम वैद्य रहेका छन् । विज्ञप्तिअनुसार, परिषद्ले आगामी चैत १३ गते वरिष्ठ कवि/नाटककार वासु शशीको ८१ औँ जन्मजयन्तीे अवसर पारेर कवि गोष्ठीको आयोजना गर्ने भएको छ । २०५० मा स्थापित परिषद्ले हालसम्म डेढ दर्जन स्रष्टालाई पुरस्कृत र एक दर्जन स्रष्टालाई सम्मानित गरिसकेको छ ।

प्रकाशित : चैत्र ३, २०७३ ०८:२०
ADVERTISEMENT
प्रतिक्रिया
पठाउनुहोस्
ADVERTISEMENT

कान्तिपुरकर्मी चौधरी सम्मानित

कान्तिपुर संवाददाता

काठमाडौं — आपूर्ति मन्त्रालय, आपूर्ति व्यवस्थापन तथा उपभोक्ता हित संरक्षण विभागले कान्तिपुरकर्मी राजु चौधरीसहित तीन पत्रकारलाई सम्मान गरेको छ ।

उपभोक्ता हकहित संरक्षण तथा बजार अनुगमनको क्षेत्रमा छापा सञ्चार संस्थामा सक्रियतापूर्वक कार्यसम्पदान गरी उपभोक्ता अधिकारका लागि विशेष योगदान पुर्‍याउनु भन्दै चौधरीलाई विश्व उपभोक्ता दिवसको अवसर पारेर सम्मान गरिएको हो ।

प्रकाशित : चैत्र ३, २०७३ ०८:२०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×