निश्छल हाँसो- जीवनशैली - कान्तिपुर समाचार
कान्तिपुर वेबसाईट
AdvertisementAdvertisement

निश्छल हाँसो

तस्बिर : बिजु महर्जन

काठमाडौँ — ललितपुरको खोकनामा खुर्सानी झुन्ड्याइएको झ्यालबाट बाहिर हेर्दै बालिकाहरू । परम्परादेखि खोकना क्षेत्रका बासिन्दाले आफैंले जोगाएका खुर्सानीका बीउ वैशाखमा रोप्छन् । फलेपछि साउनको पहिलो साता टिप्छन् र सुकाउन ६ दिनसम्म झ्याल–झ्यालमा झुन्ड्याउँछन् ।

डेढ दशकअघिसम्म साउन–भदौका महिना भक्तपुर, काठमाडाै‌ं, ललितपुरका पुराना नेवार बस्तीका झ्याल–झ्यालमा मालाझैं झुन्ड्याएर राखिएका राता खुर्सानीका माछीकाँडे झुप्पा लहरै देखिन्थे ।

झ्यालमा खुर्सानी सुकाउने त्यस्ता दृश्यले उपत्यकावासी स्वतः बुझ्थे– अब वर्षा समाप्त भयो र शरद लाग्ने बेला भयो । पुराना शैलीका कलात्मक झ्यालहरूमा खुर्सानी झुन्ड्याइने यो चलन भूकम्पपछि नयाँ शैलीका घरहरू बन्न थालेसँगै हराउँदै गएको छ । वनस्पतिविद् तीर्थबहादुर श्रेष्ठका अनुसार नेपालमा अलि–अलि पिरो, पिरो र ज्यादै पिरो सबैखाले गरी १५ थरी खुर्सानी पाइन्छन् । खुर्सानी दक्षिण अमेरिकी देश मेक्सिकोबाट संसारभर फैलिएको मानिन्छ । अध्ययनअनुसार, युरोप र उत्तर अमेरिकामा खुर्सानीको खपत सबैभन्दा कम हुन्छ । दक्षिण अमेरिका, एसिया र अफ्रिकामा खुर्सानी खानेहरू बढी छन् ।

प्रकाशित : श्रावण २४, २०७७ १०:४१
प्रतिक्रिया
पठाउनुहोस्

महाबाैद्धमा कोरोना परीक्षण [तस्बिरहरु]

तस्बिर : बिजु महर्जन

काठमाडौँ — काठमाडौं महानगरपालिका–२७ स्थित गणेश मन्दिरदेखि महाबौद्ध क्षेत्रका पाँच जना व्यवसायीलाई कोरोना संक्रमण देखिएपछि महाबाैद्धमा पीसीआर परीक्षण गरिएको छ । म‌ंगलबार ३ सय जनाको परीक्षण गरिएको छ । सोमबार महाबाैद्ध वडाले सूचना जारी गरी संक्रमितको सम्पर्कमा आएकाहरूले स्वास्थ्य परीक्षण गराउन अनुरोध गरेको थियो । व्यवसायीमा संक्रमण देखिएपछि महाबाैद्ध क्षेत्रका पसलेहरुले पसलहरु बन्द गरेका छन् ।


प्रकाशित : श्रावण १३, २०७७ १४:४८
पूरा पढ्नुहोस्
प्रतिक्रिया
पठाउनुहोस्
×