१७.१२°C काठमाडौं
काठमाडौंमा वायुको गुणस्तर: १६०

अखबार

राजेन्द्र शलभ

बिहानै आइपुग्छु
तिम्रो घरमा
चाहे तिमीले पसलबाट ल्याऊ
वा हकरले फालेर जाओस्
केही चाख मानेर
तर, धेरै दिक्क मानेर पढ्छौ
चियासँगै मेरा पानाहरु पल्टाएर
तिमी आफूलाई अपडेट बनाउँछौ
केही समाचार त श्रीमतीलाई पनि सुनाउँछौ ।

अखबार

...

पढिसकेर थन्क्याउँछौ एकातिर

अनि केही पोको पार्न

वा ऐना सफा गर्न निकाल्छौ

तैपनि उब्रिएँ भने

कुनै कबाडीलाई बेचेर

केही रूपैयाँ असुल्छौ मेरो नाममा ।

...

अचेल अनलाइन भन्ने

सौता भित्रिएकी छे मेरो संसारमा

मलाई हेप्न थालेका छन्, मान्छेहरु

नढाँटी भन त–

के अझै पनि तिमीलाई मन लाग्दैन

मलाई स्पर्श गर्न

र, एकफेर मात्र होइन

घरीघरी प्रयोग गरिरहन ?

प्रकाशित : श्रावण २१, २०७९ ०९:३७
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?