कान्तिपुर वेबसाईट
AdvertisementAdvertisement
२२.१२°C काठमाडौं
काठमाडौंमा वायुको गुणस्तर: १५५

कचुर

सुष्मा रानाहँमा

गर्नू बिजुवाको टुङ्गो
राख्नू घरमा चिन्ता
राखेर एक मुठी अक्षता
हेराउनू जोखना परदेशीको समेत ।

यारी तर्दै गर्दा रिसिया गाउँदै

ट्याम्के चढ्दै गर्दा सोध्नू नछुङलाई

खबर परदेशीको समेत ।

काट्दा काट्दै कचुर

उल्टिन पनि सक्छ, सुल्टिन पनि सक्छ

बिन्ती छ, नरूनू विरह गालेर ।


वबबु र वाछेर, फुर्के र लिसो

चोखो होस् सङ्लो साप्सुजस्तै

घरी नै घरी

तकायो, केन्छेरूवाहरुले जस्तै सुन्नू

तर, नरूनू विरह गालेर

फरक आउला पार्सल यो पालि सधैंभन्दा

उघार्नू बाकस

हटाउनू कफन र छोइदिनू अन्तिम पटक ।

बुझाइदिनू नबुझेको मन

सम्हाल्नू आफूलाई

बिन्ती छ

नहान्नू सेंहा

नखेद्नू सिकारी भनेर

चुलामा बस्ने पनि भाग्य छैन भने

बरू, लागिदिउँला बाटो आफैं ।

नोट : (यारी = धामीले मन्त्रमा हिँड्ने बाटो । रिसिया = आत्माहरूसँगको संवाद । कचुर = संकेत । वाछेर = जाँडको छोक्रा । तकायो = धामीको विशेष सहयोगी । केन्छेरुवा = धामीको कार्यकर्ता । सेंहा = कुल/चुलामा बस्न नपाउने मृतात्मा ।)

प्रकाशित : जेष्ठ २९, २०७८ १३:०८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?